Dáid golmma davimus gieldda meahccejohtaluslobiid sáhttá ohcat ollislaččat elektrovnnalaččat Eräluvat.fi-bálvalusas
Eanodaga, Anára ja Ohcejoga gieldda olbmuide lea vejolašvuohta ohcat muohttaga áiggi lobi skohtervuodjimii iežas gielddas stáhta eatnamiidda. Lohpi lea persovnnalaš ja nuvttá. Muohttaga áiggi meahccejohtaluslobiid mieđihuvvojit buohkaide gieldda olbmuide, geain lea dárbu johtit luonddus dálvit.
”Elektrovnnalaš áššiid dikšun Eräluvat.fis álkidahttá áššiid dikšuma eandalii davvin, gos leat guhkes mátkkit. Ohcamuša maŋŋá lohpi doaimmahuvvo ohcci šleađgapostii” meahccejohtalusa bálvaluseaiggát Elina Odé muitala.
Elektrovnnalaš áššiid dikšun gáibida nana Suomi.fi identitehta duođašteami. Jus elektrovnnalaš ohcan ii leat vejolaš, áššehasrávvejeaddji veahkeha lohpeohcamuša dahkamis Meahciráđđehusa bálvalanbáikkis Anáris ja Heahtás. Áššehasbálvalanbáikkis ohccojuvvon lohpi sáddejuvvo galledeami maŋŋá šleađgapoastan dahje poastta bokte.
Áiggi čuvvon kárttat ja lassedieđut hearkkes luondduguovlluin leat čujuhusas Eraluvat.fi.(suomagillii).
Gieldda olbmuid meahccejohtaluslobit eai atte lobi vuodjit álbmot- dahje luonddumeahcis
Nuvttá gieldda olbmuid muohttaga áigge meahccejohtaluslohpi ii atte lobi vuodjit álbmotmeahcis dahje luonddumeahcis. Dáid guovlluide gáibiduvvo sierra lobi. Meahciráđđehus mieđiha sierra lobi dušše go leat earenoamáš dehálaš sivat. Lobi sáhttá ohcat Eräluvat.fi-bálvalusas (Maastoliikennelupa Suomen kansalaisille, suomagillii).
Lassedieđut
- Meahciráđđehus, Luonddubálvalusat: maastoliikenneluvat@metsa.fi
- Media oktavuođaváldimat: Meahccejohtalusa bálvaluseaiggát Elina Odé, t. 040 632 8408, elina.ode@metsa.fi Meahciráđđehus, Luonddubálvalusat