Meahciráđđehus ja ruvkefitnodat Agnico Eagle leat ráđđádallan sulaid 3 300 hektára eanaviidodaga gávppis Ikkaris Soađegilis. Agnico Eagle Finland oamasta málbmaohcanvuoigatvuođaid gávppi čuozáhahkan lean stáhta viidodahkii, ja fitnodat pláne guvlui ruvkedoaimma. Vejolaš eanagávpi ii váikkut guvlui plánejuvvon ruvkke ollašuvvamii, muhto ruvkke vuođđudeapmi gáibida sierra lohpemeannudeami ja virgeoapmahašmearrádusaid.
Ikkari guovllus lea mearkkašahtti gollegávdnostupmi. Agnico Eagle Finland skáhppui guovllu málbmaohcanvuoigatvuođaid fitnodatgávppi oktavuođas giđđat 2026. Fitnodat vástida fidnu ovddidanbarggus, investerema gárvvisteamis, birasváikkuhusaid árvvoštallamis sihke plánemis ja lohpeáššiin.
Vejolaš eanagávpi ii vel oaivvil ruvkefidnu ollašuvvama. Ruvkke vuođđudeapmi gáibida láhkaásaheami čuvvon lohpe- ja lávvaplánenmearrádusaid, main vástidit doaibmaválddálaš virgeoapmahaččat.
Ráđđádallama čuozáhahkan lea stáhta oamastan 3 314 hektára guovlu, mii lea eanaš vuovdedoalloeana. Guovllus eai leat luonddusuodjalanguovllut dahje Natura guovllut. Eará virgeoapmahaččain ožžojuvvon cealkámušaid mielde guovllu luobaheamis eai leat dorvvolašvuhtii laktásan eastagat.
Eanagávppi mihttomearrin lea gávdnat stáhta dáfus ekonomalaččat ákkastallon oppalašvuođačovdosa, mas váldojit vuhtii eanaviidodaga árvu, vejolaš ruvkedoibmii laktásan boahttevaš buhtadusat ja fidnu ollašuvvamii gullevaš eahpesihkkarisvuođat.
čuozáhat lea boazodoalloguovllus, ja válmmaštallama ovdánettiin leat ráđđádallamat guovllu bálgosiin.
Stáhtaráđđi mearrida vuovdimis
Stáhta fitnodatdoaimma anus lean guovlluid vuovdin ja láigoheapmi gullá Meahciráđđehusa doaimmaide, ja fitnodatdoaibma dahkkojuvvo márkaniid eavttuiguin.
Gávppi loahpalaš oktiirehkenastojuvvon árvun árvvoštallo badjel 30 miljon euro, ja dalle gávppi ollašuhttin gáibida riikkabeivviid miehtama. Miehtama leat ohcan oassin stáhta jagi 2027 dievasmahtti bušeahttaárvalusas. Riikkabeivviid miehtama oaččodettiin stáhtaráđđi sáhttá mearridit stáhta giddodatopmodaga luobaheamis ja dárkilut eavttuin, jus ráđđádallamiin beassat stáhta dáfus dohkkehahtti loahppabohtosii.
Lassedieđut: Otto Swanljung, giddodatovdáneami hoavda, Meahciráđđehus, 040 560 1715