Goanstajierpmi ávkkástallama lassáneapmi oidno ain eanet bargoeallimis. Meahciráđđehusas bargoveahka skuvlejuvvo aktiivvalaččat goanstajierpmi ávkkástallamii, ja fáttá birra lea jeavddalaš rabas ságastallan. Seammás lea lunddolaš, ahte ođđa áššiid olis bohtet maiddái gažaldagat. Bargoveaga gaskkas leat boahtán ovdan vihkkehallamat earret eará luohtehahttivuođas, vásttolašvuođas ja goanstajierpmi ávkkástallama birasváikkuhusain. Ođasmahtton goanstajierbmeprinsihpat čohkkejit dán oktasaš áddejumi ja dorjot árgga ođđa áššiid oahpahallamis.
Meahciráđđehusa goanstajierbmeprinsihpaid váldoášši lea čielggas: goanstajierbmi ii buhtte áššedovdi, muhto doaibmá árgga bargoneavvun. Dat álkidahttá barggu ovdamearkka dihtii teavsttaid čoahkkáigeasuid dahkamis, giellagáhttemis, materiálaid lađastallamis ja visualiseremiid ideaid luovvamis. Geahččalit ođđa vejolašvuođaid oktanaga sáhkkidit ja suokkardallamiin. Juohkehaš áššedovdi vástida goittotge álo iežas buvttadan sisdoalu riektatvuođas ja váikkuhusain, ja goanstajierpmi buvttadan materiálat dárkkistuvvojit álo ovdal almmustahttima.
Luohttámuš lea Meahciráđđehusa doaimma vuođđu. Danin muitalit goanstajierpmi geavaheamis rahpasit dalle, go das lea deaŧalaš váikkuhus sisdollui dahje dan dulkojupmái. Seammás mii doalahit autenttalašvuođas: gulahallamis mii atnit albma govaid ja videoid olbmuin, luonddus ja min doaimmas. Goanstajirpmiin buvttaduvvon sisdoallu ii buhtte albma govvamateriála stáhta eatnamiin ja čáziin.
”Sisdoallu ferte vástidit duođalašvuođa. Midjiide lea dehálaš čájehit Meahciráđđehusa barggu dan hámis go dat lea: albma birrasiin, albma olbmuid bokte. Atnit ávkin ođđa teknologiijaid vásttolaččat ja váldimin vuhtii birasváikkuhusaid. Goanstajierbmi lea “buorre reaŋga, muhto heajos isit”, gávnnaha váldohoavda Juha S. Niemelä.
Meahciráđđehus doarju bargoveaga ovdáneami goanstajierpmi geavaheamis ja roahkasmahttá geahččalit ođđa vugiid bargat. Seammás muittuhat govttolašvuođas: ávkkástallat goanstajierpmi dalle, go das lea albma láhkai ávki, ja geahččalit garvit dušši sisdoalu buvttadeami. Ná váldit vuhtii maiddái energiijagolahusa ja birasváikkuhusaid.
Ođasmahtton prinsihpaid vuođđun leat Meahciráđđehusa olbmuid iežas vásáhusat, gažaldagat ja áicamat. Mihttomearrin lea sihkkarastit, ahte goanstajierbmi álkidahttá barggu ja rahpá ođđa vejolašvuođaid, muhto ii doalvvo doaimma dakkár guvlui, mii heajudivččii vásttolašvuođa ja luohttámuša.
Lassedieđut: Lasse Ketola, teknologiijaoaivámuš, lasse.ketola(at)metsa.fi