Meahciráđđehusa Luonddubálvalusat lea gilvalahttigoahtán 17.4.2025 vánddardančuozáhagaidis boaldinmuorrafuolahusa, bázahusfuolahusa ja bajásdoallanfuolahusa 15 guvlui Lappis ja Nuorta-Suomas.
Fuolahusbálvalusaid háhkan buvttada fitnodatdoalliide dinenvejolašvuođaid, doarju báikkálaš ruhtadoalu ja lea goasttádusaid dáfus buorre vuohki bajásdoallat vánddardanbáikkiid. Fuolahusfitnodatdoallit ohccojuvvojit dál jagi 2026 álggu rájes čuovvovaš guovlluide:
- Giehtaruohtas
- Heahttá-Njunnás-Bievrrašjávri
- Heahttá-Bállas
- Muoná
- Gihttel-Kolari
- Njávdán-Čeavetjávri
- Leammi
- Avviljohka
- Kemihaara-Savukoski
- Hossa-Kylmäluoma-Suomussalmi davvioassi
- Syöte – Olvassuo – Litokaira – Livojoki-Iijoki
- Ruunaa vánddardanguovlu- ja luonddusuodjalanguovlu ja Reposuo
- Patvinsuo álbmotmeahcci
- Petkeljärvi-Putkelanharju-Koitajoki
- Linnansaari-Kolovesi-Pihlajavesi-Punkaharju-Puruvesi-Parikkala
Bosihanbáikkiid fuolahusas sáhttá guođđit Meahciráđđehussii fálaldaga 19.5.2025 dii 16 rádjái. Buot dárkilut dieđut gilvalahttimis gávdnojit Hilma-vuogádagas (hankintailmoitukset.fi, suomagillii) ja Tarjouspalvelusta (suomagillii), gosa maid fálaldagat guđđojuvvojit.
Vánddardanmáđijaid fuolahusas leat stáhta eatnamiin eanet fuolahusfitnodatdoallit go ovdal
Meahciráđđehusa Luonddubálvalusat ohcet dán jagi oktiibuot 47 guvlui fitnodatdoalli. Ulbmil lea váldit atnui oastinbálvalusaid vánddardančuozáhagaid boaldenmuorra-, bázahus- ja bajásdoallanfuolahusas eanet go ovdal.
Fitnodatdoallit leat juo ovdalge dikšon vánddardančuozáhagaid fuolahusa guovlluin, mat dál bohte gilvalahttimii. Meahciráđđehus ozai árabut dán jagi njukčamánus (dieđáhus, suomagillii) fitnodatdoalliid vánddardančuozáhagaide, main buot eai lean fitnodatdoalliid fuolahusa vuolde ovdal.
Dárkilut dieđut fuolahusa vánddardančuozáhagain ja vánddardančuozáhagaid luondduin neahttasiidduin
Johtui vuolgán gilvalahttimiid plánemis Meahciráđđehus lea linnjen, guđemuš bosihanbáikkiide čatnasit háhkat fuolahusa jagiide 2026 ja 2027. Gilvalahttimis lea dáid lassin opšuvdnan mielde bosihanbáikkit, maid fuolahusas mearriduvvo easka maŋŋelabbos. Mearrádusat dáid bosihanbáikkiid bajásdoallamis dahkkojuvvojit ovdal go soahpamušbadji álgá. Dieđut iešguđet guovlluid fáttáin leat čohkkejuvvon neahttasiidui Bajásdollojuvvon bosihanbáikkit.
Siidduin gávdnojit maid daid vánddardančuozáhagaid govvádusat, mat gilvalahttojuvvojit dál. Vánddardančuozáhaga luondu govvida dan, makkár bálvalusa dat váldoáššis fállet galledeaddjiide ja man sullasaš bálvalanráhkkanasat dan mielde dárbbašuvvo.
Lassidieđut
- gilvalahttimii laktáseaddji praktihka áššit: háhkama sierraáššedovdi Olli Vainio, tlf. 020 639 7052, olli.vainio@metsa.fi
- Filbma: Oahpásmuva fuolahusfitnodatdoalli árgabeaivái Salla álbmotmeahcis (facebook.com, suomagillii)
- Vánddardanbálvalusaid prioriteren