Čielggadeami ulbmil lea kártet mohtorgielkávuodjima ja eará meahccejohtalusa vejolaš hehttehusaid, buoridit dorvvolašvuođa ja dovdát daid dárbbuid, maidda dálá láhkaásaheapmi ja lohpegeavadagat eai vástit. Čielggadeami várás gullet viidát čanasjoavkkuid, vuoigatvuođaoamasteaddjiid, gieldalaččaid ja lohpeáššehasaid. Muohtaáigodaga áigge meahccejohtaluslobiid mearri lea sturron masá logigeardásažžan jagi 1994 rájes Suoma golmma davimus gieldda guovllus.
Dálá lohpegeavadiid bokte ii sáhte leat sihkkar, ahte mohtorgielkávuodjin ii vahágahtáše luonddu
Anára, Ohcejoga ja Eanodaga gieldalaččain lea vejolašvuohta ohcat lobi viiddes mohtorgielkávuodjimii muohtaáigodagas stáhta eatnamiin iežaset ruovttugielddas. Meahciráđđehus mieđiha nuvttá lobi buot gieldalaččaide, geain lea dárbu johtit luonddus dálvet. Gieldalaččaid meahccejohtaluslobiin ii oaččo vuodjit álbmotmehciin dahje luonddumehciin.
Dálá lohpegeavadagat vuođđuduvvet ovddit meahccejohtaluslága (670/1991) ásaheami oktavuođas evttohuvvon riikkabeivviid dáhttodillái ja johtolatváljagotti smiehttamuššii. Muohtaáigodaga áigge meahccejohtaluslobiid mearri lea sturron masá logigeardásažžan jagi 1994 rájes.
– Dálá lohpegeavadiid bokte eat sáhte leat sihkkarat das, ahte mohtorgielkávuodjin ii vahágahtáše luonddu. Maiddái lassáneaddji riikkaidgaskasaš turisma lasiha meahcis johtima guovlluin, gos lea sihkkarit muohta. Mii leat maid máŋga jagi ožžon meahccejohtalusas máhcahaga ja ovddidanevttohusaid máŋggain oassebeliin, dego virgeoapmahaččain ja dábálaš olbmuin, geat johtet luonddus, oktavuođahoavda Olli Lipponen Meahciráđđehusa Luonddubálvalusain čilge boahttevaš čielggadeami duogáža sivaid.
Hehttehusaide hearkkes luondduárvvuid ja luondduealáhusaid doaibmabirrasa dorvvasteapmi gullet Meahciráđđehusa láhkageatnegahtton geatnegasvuođaide.
Čielggadeapmái áigot čohkket materiála jagi 2026 áigge. Go čielggadeapmi lea gárvánan, Meahciráđđehus ohcá ovttas čanasjoavkkuiguin čovdosiid, mot ovdamearkka dihtii láhkaásaheami rievdadeami bokte sáhtášii geahpedit čuolmmaid.
Meahciráđđehus čohkke gieldalaččaid oainnuid mohtorgielkávuodjimis, gažadeapmi rabas
Meahciráđđehus lea rahpan buot gieldalaččaide rabas gažadeami, mas kártejit gieldalaččaid meahccejohtalusa meari ja sivaid. Gažadeami bokte báikkálaččat ožžot muitalit fuolaideaset, sávaldagaid ja eará oainnuid meahccejohtalusa birra. Gažadeapmái sáhttá vástidit: https://link.webropolsurveys.com/S/1DA42815DCA69B2F
Gažadeapmi lea rabas 15.12.2025–30.4.2026.
– Mi sávvat, ahte nu máŋgasat go vejolaš Eanodaga, Anára ja Ohcejoga gieldalaččain vástidivčče gažadeapmái. Na mii oažžut buriid duogášdieđuid meahccejohtaluslobiid geavahusas ja viidásamos lági mielde gieldalaččaid oainnuid áššis. Min mihttomearri lea hábmet meahccejohtalusas gielddaid guovlluid dálá dilis nu buorre gova go vejolaš, Lipponen lohká.
Gieldalaččaid gažadeami lassin Meahciráđđehus jearahallá čielggadeami várás logiid mielde virgeoapmahaččaid, bálgosiid, sámedikki, turismafitnodagaid ja gielddaid ovddasteaddjiid.
Lassidieđut
Oktavuođahoavda Olli Lipponen, Meahciráđđehus Luonddubálvalusat, tlf. 040 738 4408, olli.lipponen@metsa.fi