Meahciráđđehusa meahccebearráigeahččit deive jagi 2025 áigge 9 158 luonddus lihkadeaddji, muitaluvvo odne almmustahtton Meahciráđđehusa meahccebearráigeahččanraporttas. Dárkkistemiin bohte ovdan 585 meaddima, main 54 manne rihkusdutkamii.
Váldooassi meahccebivdiin, guolásteaddjiin ja eará vánddardeaddjiin dihtet njuolggadusaid ja ellet daid mielde. Raportta mielde luonddus lihkadeddjiin badjel ovcci logis ožžot meahccebearráigeahčus buhtis báhpáriid.
”Luonddus lihkadeaddjiid mearri lassána, ja bearráigeahčču dárbbašuvvo boahttevuođas eanet. Muhtun vearrás dáhpáhusat boktet fuola ja diehtu das, ahte váldooassi roavis dáhpáhusain báhcet jáhkkimis seavdnjadassii”, dadjá meahccebearráigeahččanhoavda Henri Pelkonen Meahciráđđehusas.
Meahccebivdiin ledje lohpeáššit ja lága dovdamuš buorre dilis dego leat hárjánan: 97 proseantta besse čađa dárkkisteamis giitosiiguin. Muhtun vearrát dáhpáhusat bohte ovdan. Puolankas dieđihuvvui mirkkohuvvon gumppes jagi álggus. Dasa lassin vuhttui boraspiriid vuojeheapmi skohteriiguin, lobihis ealgabivdu ja guokte báhččon njuvčča Lappis.
Guollebivddu bearráigeahčus ledje eanet fuomášuhttimat, vaikko dat ledje láivvit dáhpáhusat. Guolásteaddjiin 14 proseantta áššáskuvve láivves meaddimiidda, dego guolástanlobi eavttuid rihkkumii, guolleváriiddikšunmávssu mávssekeahttá guođđimii dahje bivdosiid váilevaš merkemii. Vearrámus dáhpáhusas guollebivdi lei suhppon 52 lobihis fierpmi.
Meahccejohtalus dagaha jagis nubbái gorálaččat eanemus fuomášuhttimiid. Measta juohke njealját dárkkistuvvon vuoddji vuodjá meahcis dahje luottain eananoamasteaddji lobi haga, iige mannan jahki lean spiehkastat, raporttas gávnnahuvvo.
Eará vánddardeami bearráigeahčus baicce bohte ovdan dušše unnán meaddimat: 1,5 proseantta dárkkistuvvon luonddus lihkadeaddjiin ožžo čuovvumušaid. Dát bohte eanaš lobihis dolastallamiin ja leairrain. Maiddái luonddu ludnen vuhttui ain čuvgehuskampánjjas fuolatkeahttá.
Meahccebearráigeahččanraportta mielde jahki 2025 lei stáhta guovlluin ealaskas, muhto bearráigehččui bođii doarjja eará eiseválddiin. Jagi áigge girjejuvvojedje 348 oktasašbearráigeahču eará eiseválddiiguin, mii lea eanet go jahkeviissaide.
Loga lasi: Meahciráđđehusa meahccebearráigeahččanraporta 2025 (eräluvat.fi, suomagillii)