Bievlaáigge meahccejohtolatlobiid ohcan lea dál rahppojuvvon Eräluvat.fi-bálvalusas Eanodaga, Anára ja Ohcejoga gieldda olbmuide. Anus lea dál ođđa, duššefal golmma davimus gielddas, Eanodagas, Anáris ja Ohcejogas, fásta orruide čuozihuvvon lohpebuvtta. Lobi ohcan gáibida váfes iežas identifiserema fierbmebálvalusas.
Lobit leat dárkkuhuvvon báikegotti olbmuide, golmma davimus gielddas orruide. Lobit leat guorahallanvuložat, ja daid mieđiheapmi gáibida álohii ákkastallojuvvon dárbbu. Dákkár dárbbut leat ovdamearkka dihte guolástus dehe muorjesállaša dehe duodjemateriála fievrrideapmi.
Bievlaáigge meahccejohtolatlobit mieđihuvvojit dušše stáđásnuvvan meahccemáđijaide ákkastallojuvvon dárbui
Bievlaáigge meahccejohtolatlobit mieđihuvvojit dušše earenoamáš dehálaš ákka dihte. Geaseáigge meahccejohtolat golaha luonddu, dat buktá mielddis ođđa máđijaid ja sáhttá heađuštit elliid bessema, nu ahte lobit mieđihuvvojit dušše meahccemáđijaide, mat leat stáđis anus. Máđidjalinnjemiidda eai leat boahtán nuppástusat ovddit dihtomearreáigodagas.
Máđidjagárttat leat oidnosis lohpeohcamuša olis Eraluvat.fi-bálvalusas ja Meahciráđđehusa áššehasbálvalančuoggáin Anára girkosiiddas ja Duottar-Sámi luondduguovddážis Heahtás.
Ođđa lohpebuvtta dušše persovnnalaš johtimii, ii fitnodatdoibmii
Meahccejohtolaga bálvalanoamasteaddji Elina Odé muittuha: ”Báikegotti olbmuide mieđihuvvon bievlaáigge meahccejohtolatlohpi lea dárkkuhuvvon persovnnalaš, vealtameahttun johtimii ja luondduin ávkkástallama lohpái spesifiserejuvvon máđijaide – eai fitnodatdoibmii”.
Juohke ohcamuš gieđahallojuvvo. Ohcamuša gánnáha deavdit fuolalaččat. Bures dahkkon ohcamuš jođálnuhttá gieđahallama ja dahká dan njuovžilin. Ohcamušaid gieđahallanáigi lea 10–15 jándora.
Lassidiehtu
- Meahccejohtolaga bálvalanoamasteaddji Elina Odé, tel. 040 632 8408, elina.ode@metsa.fi, Meahciráđđehus, Luonddubálvalusat
- Liŋka lohpebuktagii (eraluvat.fi)