Gieldalaččat sáhttet dás duohko háhkat johkaguolástanlobi njuolga Eräluvat.fi-bálvalusas. Eanodaga, Ohcejoga ja Anára gieldalaččat leat ovdal galgán diŋgot johkalobiid bálvalannummiris dahje bálvalanbáikkis.
Johkalohpi addá rievtti bivdit vuokkain dain stáhta čáhceguovlluin, mat leat luosa ja dápmoha goargŋunguovllut. Lohpi máksá 40 euro rávesolbmuin, ja dan sáhttá háhkat dušše iežas ruovttugildii luosa ja dápmoha goargŋunguovlluide.
Lobi sáhttá háhkat njukčamánu 24. beaivve rájes Eräluvat.fi-bálvalusas. Juos guollebivdis ii leat vejolašvuohta háhkat lobi čálalaččat, son sáhttá riŋget Eräluvat-bálvalusa bálvalannummirii 020 69 2424, mii bálvala árgan diibmu 9–15. Lobi sáhttá háhkat maid Duottar-Sámi luondduguovddážis dahje Anára bálvalanbáikkis.
Vuollil 18-jahkásaččaid johkalohpi lea nuvttá, ja dan galgá háhkat bálvalannummiris dahje bálvalanbáikkis.
Njávdáma registtargili guovllu ássiid lobit Njávdánjohkii ja guolástanlobit nuortalašlága mielde skáhppojuvvojit bálvalannummiris 020692424 12.5.2026 rájes.
Luossabivdu dárkkálmuvvá giđđat
Gieldalaččaid johkalobiid eavttut dárkkálmuvvet vel maŋŋelabbos. Doaisttážii ii leat sihkarvuohta das, ordnašuvvágo báikkálaš luossabivdu Deanu oalgejogain. Njávdáma čázádatguovllus luossabivdu gieldalačča johkalobiin lea boahttevaš áigodagas gildojuvvon.
Stáhtaráđi mearrádus luossabivddus Deanu oalgejogaid oasis sáhtaš mearriduvvot giđa loahpas dahje maŋimustá álgogeasi áigge.