Ulbmil ja árvvut

Meahciráđđehusa ulbmil lea luonddu árvvu ja oktasaš opmodaga vásttolaš ovddideapmi sohkabuolvvaid badjel.

Meahciráđđehus lea

• stáhta eana- ja čáhceguovllut, daid eallit, šattut ja luondduvárit.
• Ekonomalaš, sosiála, kultuvrralaš ja biraslaš dahkkiid submi.
• Oaidnun olmmoš, luondu ja servodat.

Bargomet lea dehálaš

• Go mis lea juoga árvvolaš, maid galgá ávkkástallat ja dikšut, ahte dat ii manat árvvus. Dat sáhttá leat maiddái Meahciráđđehusa čehppodat, fierpmádagat, árvogollosa dahje boahttevuođa vejolašvuođaid.
• Go bargomet lea šaddadeapmi, lasiheapmi ja máŋggabealagin dahkan. Ii dušše seailluheapmi.

Min stivre

• earálágan oainnuid ja oaiviliid oktiiheiveheami bokte šaddá oaidnu eana- ja čáhceguovlluid ávkkástallamis ja dikšumis.
• vásttolašvuohta, mii lea strategalaš ja stivre buot Meahciráđđehusa jođiheami, doaimma ja ovddideami.
• olbmo stuorát áigedávgi, luonddu sturrosaš.

Meahciráđđehusa árvvut

ILLU lea eanet go dušše dovdu, mii bistá veháš áigge – dat lea doaladupmi ja vuohki doaibmat. Mii gávdnat ilu ja mávssolašvuođa beaivválaš bargguineamet ja deaivvademiineamet. Min barggus lea mearkkašupmi lundui ja servodahkii – máilmmi lihkolaččamus olbmuide! Illu duddjo atmosfeara, mas juohkehaš sáhttá dovdat, ahte son adnojuvvo árvvus ja ahte sus lea mokta bargat. Illu veahkeha min maiddái oaidnit hástalusaid vejolašvuohtan ja arvvosmahttá min geahččalit ođđa áššiid.

SUVDILVUOHTA manná badjel sohkabuolvvaid ja dat lea beaivválaš oahppan, luonddu árvvu ja oktasaš riggodaga ovddideapmi, buresveadjima, máhtu ja dorvvolašvuođa lassáneapmi, gilvimiin ja várjalemiin. Dat ovddida innovašuvnnaid ja dan bokte lea vejolašvuohta ođasmuvvat. Mii ávkkástallat ođđasamos dieđuiguin ja teknologiijain ja máhcahagain, man leat ožžon.

OVTTASBARGU lea Meahciráđđehusa váimmus. Mii guldalit nuppiideamet, áššehasaideamet, ovttasbargoguimmiideamet ja čanusjoavkkuideamet. Mii juohkit dieđuid ja dahkat mearrádusaid ovttas ja heivehemiin. Ovttasbargan vuođđuduvvá luohttámuššii, rabasvuhtii ja rehálašvuhtii. Mii ovddidit min doaimmaid nu, ahte áššehasat leat guovddážis.

BOHTOSAT vuođđuduvvet Meahciráđđehusa vásttolašvuhtii ja suvdilis vuohkái doaibmat, ja dat leat servodatlaš dohkkehahttivuođa vuođđu. Dat arvvosmahttá min oppa áigge buoridit ja dihtto váikkuhahttivuohtan ja ahccilvuohtan, ekonomalaš šaddamin, bargiideamet buresveadjima buorráneapmin ja luonddu nanosmuvvamin.