Meahciráđđehusa Luonddubálvalusat ráđđádallá Eanodaga gielddain Gilbbesjávrri luondduguovddáža vuovdimis. Ráđđádallamat guosket Gilbbesjávrri luondduguovddáža ráhkadusa ja ovtta hehtára viidosaš eanasaji.
Eanodaga gielddas lea nana báikkálašdiehtu ja eavttut ovddidit guovllu suvdilis vugiin, man dat dihtii lea lunddolaš oassebealli luondduguovddáža oamasteaddjin.
“Gilbbesjávrri guovllu turisma ja dása laktásan infrastruktuvrra ovddideapmi leat leamaš mannan jagiin šaddamin. Nuba lea dehálaš dorvvastit Gilbbesjávrri luondduguovddáža giddodaga seailuma dakkár anus, mii ovddida olles guovllu”, dadjá oktavuođaoaivámuš Olli Lipponen Meahciráđđehusa Luonddubálvalusain.
Sajádat fállá buriid vejolašvuođaid luondduturismii
“Eanodaga gielda sávvá, ahte Gilbesjávrri luondduguovddáš seailu almmolaš oamastusas, vai dan doaibman sáhttá maiddái boahttevuođas doarjut guovllu luondduturismma, mii lassána. Gielda lea gárvvis ráđđádallat giddodaga ja eanaviidodaga háhkamis iežas oamastussii. Luondduguovddáš lea guovddáš sajis Gilbbesjávrris ja nuba fállá buorre vejolašvuođaid luondduturismma ovddideapmái”, gávnnaha vd. gielddahoavda Eero Ylitalo Eanodaga gielddas.
Oassi viiddit čielggadusas
Meahciráđđehusa Luonddubálvalusat lea báraáigge mannamin čađa buot ráhkadusmáddodagas ja čielggadišgođii Gilbbesjávrri luondduguovddáža boahttevuođa ja luohpama vejolašvuođa giđđat 2025.
Meahciráđđehusa Luonddubálvalusat háliida dorvvastit áššehasaid vánddardanvejolašvuođaid ja ovddidit doaimmas vástidit vánddardeaddjiid dálá dárbbuid, dego digitála neahtta- ja mobiilabálvalusaid. Seammás Meahciráđđehusa Luonddubálvalusat vástida stáhta buvttadeaddjivuođaprográmmii ja čielggada vugiid goasttádusaid geahpedeapmái mat bohtet sullii 2 400 ráhkadusa oamasteami hálddašeamis.
Uhccu ruhtadeapmi čuozihuvvo Luonddubálvalusaid guovddášbargguide: stáhta suodjalanguovlluid dikšumii ja vánddardanvejolašvuođaid fállamii sierra sajiin Suomas.
Gilbbesjávrri luondduguovddáža čujuhus lea Gilbbesjávrgeaidnu 14145, Gilbbesjávri.
Lassedieđut:
Gilbbesjávrri luondduguovddáža vuovdin: giddodatgávppi sierraáššedovdi Sari Järvinen, Meahciráđđehusa Luonddubálvalusat, tel. 040 188 4315
Luonddubálvalusaid báikkálaš doaibma ja čanusjoavkkut: oktavuođaoaivámuš Olli Lipponen, Meahciráđđehusa Luonddubálvalusat, tel. 040 7384408
Loga lasi árat dieđáhusas:
Govva: Maarit Kyöstilä