Lobihis guolásteapmi ja lágahis vuogit stuorabeađuid bivddus lassáne diibmá, čielgá odne almmustahtton Meahciráđđehusa bearráigeahččoraporttas. Meahccebearráigeahčču dárkkistii diimmá áigge measta 7 000 luonddusjohtti. Dárkkisteamit mielddisbukte 520 doaibmabiju: 57 dáhpáhusa sirdáse ovdadutkamii ja 463 dolvo láivvit doaimmaide.
Meahccebearráigeahčču unnui diibmá Meahciráđđehusa seastimiid čuovvumuššan. Das fuolakeahttá vearredagut ja rihkkumušat iktoje ovddit jagi eanet.
– Dát čujuha, ahte meahccebearráigeahčču galggalii bastit lasihuvvot. Vuordemeahttun lei fuomášit, ahte olbmot guoláste lobi haga dávjjit go ovdal, meahccebearráigeahču hoavda Henri Pelkonen Meahciráđđehusas dadjá.
Meahccebearráigeahčču dárkkistii measta 2500 guolásteaddji. Sis 58:ái čállojuvvui sáhkku, daningo guolástanlohpi dehe bákkolaš guolástandikšunmáksu váillui. Sáhkuid mearri šattai guovttegeardásažžan ovddit jagis.
Meahccebivdiid lohpeáššit ledje bures ortnegis, muhto meahccebearráigeahčus iktoje eará dáhpáhusat, mat ožžo meahccebearráigeahččohoavdda jurddašahkesin.
– Sarvvabivdit atne golmma dáhpáhusas lágaheamit mohtorgielkká ávkineaset. Dasa lassin sarvvat báhččoje juo ovdal meahccebivdináiggi álgima ja muhtin dáhpáhusain iežas lohpeguovllu olggobeallái, Henri Pelkonen logahallá.
Meahccebearráigeahčču ja eará bearráigeahččoeiseválddit ikte Suoma historjjá viidámus meahccebivdorihkkosiid ollisvuođa, mas stuorabeađut eahpiduvvojit goddon lágaheamit. Dáhpáhusa dutká Nuorta-Suoma boles. Dasa lassin bearráigeahčus bohte ovdan guokte eará lágahis goddima ja lágahis guovžabivdovuogit: guokte ráppi ja okta bivddus leamaš hehkke.
Meahccedárkkisteaddjit bearráigehčče maid vánddardeami luonddusuodjalanguovlluin. Dábálaččamus vigit laktáse fas dola cahkkeheapmái: sajušdolat cahkkehuvvojit vuovdebuollinváruhusa áigge dehe vearru báikkiide. Dasa lassin boaldinmuorat vižžojuvvoje stáhta eatnamiin lobiheamit, muhtimin juobe dolastallanbáikkiid muorravisttiin iežaset atnui.
Dattetge measta buohkat luonddusjohttit gudnejahtte njuolggadusaid.
– Vuođđobearráigeahčus skihkalaš meahccebivdiid ja guolásteddjiid oassi lea measta čuođi proseantta, muhto de sáhttá iktot viiddes ollisvuohta, masa laktásit máŋggat olbmot ja rihkusnamahusat, Henri Pelkonen dadjá.
Lassidieđut
Meahciráđđehusa meahccebearráigeahččoraportta čohkkehus (Eräluvat.fi, suomagillii)
Meahciráđđehusa Meahcceetikeahtta (Eräluvat.fi) ja Reaisoetikeahtta (Luontoon.fi)
Meahccebearráigeahččohoavda Henri Pelkonen, Meahciráđđehus, 040 1981623