Guolásteaddjit leat máksán lágas ásahuvvon guolleváriiddikšunmávssuid čielgasit ovddit jagi oamedovddolaččabut. Eanemus guolleváriiddikšunmávssuid leat dán jagi máksán álbmoga ektui lappilaččat, kainuulaččat ja davvigárjillaččat. Gorálaččat unnimusat, muhto meari dáfus eanemus guolleváriiddikšunmávssuid leat máksán fas uusimaalaččat.
Guolleváriiddikšunmávssuid leat lotnon dán jagi 285 00 stuhka, measta logi miljovnna euro ovddas. Mannan jagi mávssuid lotno 267 000 stuhka.
Guolleváriiddikšunmáksu lea bákkolaš máksu buohkaide 18-64-jahkásaččaide, geat guolástit eará vugiin go ovttain vuokkain, bilkemiin ja čuovžavuokkain. Máksu lea bákkolaš buot čáhceguovlluin.
Buohkain 18-64-jahkásaš suopmelaččain juohke logát lea máksán guolleváriiddikšunmávssu dán jagi.
Guolleváriiddikšunmávssu máksán 18-64-jahkásaččat eanagottiid mielde (%):Kainuu 15 %, Lappi 15 %, Davvi-Gárjil 14 %, Mátta-Savo 11 %, Davvebađaeana 11 %, Davvi-Savo 11 %, Gaska-Suopma 10 %, Mátta-Gárjil 9 %, Päijät-Häme 9 %, Kanta-Häme 8 %, Gaskabađaeana 8 %, Kymenlaakso 8 %, Pirkanmaa 8 %, Satakunta 8 %, Lullibađaeana 7 %, Aitosaš-Suopma 7 %, Helsset-Uusimaa 6 %, Nuortabađaeana 6 % (gáldu: Meahciráđđehus 2023).
Meari dáfus guolleváriiddikšunmávssu máksán olbmot leat eanemus Uusimaas. Prosentuálalaččat Uusimaas ja Nuortabađaeatnamis leat goittotge buot unnimus máksit: guhtta proseantta buohkain 18-64-jahkásaččain. Vuollegaš máksinmovtta ii čilge čáhceguovlluid vátnivuođain, go Uusimaa ja Nuortabađaeatnama rittus leat olu čáhceviidodat eará eanagottiid ektui (gáldu: Suoma birasguovddáš, syke.fi).
Guolleváriiddikšunmávssu sáhttá čađahit olles kaleandarjahkái, vahkkui dahje jándorii. Guolleváriiddikšunmávssu čoaggá Meahciráđđehus, mii máksá olles submi eana- ja meahccedoalloministeriijai. Ministeriija fas juohká ruđaid guollečáziid ja guollebivddu buorrin guolástanlága mielde.
Lassedieđut:
Spesiálaáššedovdi Jaakko Haapakoski, 040 190 8717, Meahciráđđehus, ovdanamma.sohkanamma@metsa.fi