Meahciráđđehus joatká mearrediđolaš barggus máŋggahámatvuođa, dásseárvvu ja ovttaveardásašvuođa nannema ovdii go almmustahttá beaiváduvvon plána, mii linnje konkrehtalaš doaimmaid ain inklusiivvalut ja dorvvolut bargoservoša huksema ovdii. Plána vuođđun leat riikkaidgaskasaččat dovddastuvvon olmmošvuoigatvuođa- ja vásttolašvuođaprinsihpat, dego ON:id suvdilis ovdáneami Agenda 20230 -prográmma ja ON:id olmmošvuoigatvuođaid julggaštus. Mihttomearrin lea sihkkarastit, ahte dát prinsihpat láidejit Meahciráđđehusa beaivválaš doaimma vugiin, mii ovddida ovttaveardásašvuođa ja dorvvasta buohkaide dásseveardásaš vejolašvuođaid doaibmat ja vásihit meannudeami.
Meahciráđđehusa olmmošvuoigatvuođaid ja vuođđovuoigatvuođaid gudnejahttin lea doaimma vuođđu. Beaiváduvvon plána nanne bargoservošii čatnašumi, mas máŋggalágan duogážat, gielat ja identitehtat dovdájuvvojit ja daid atnit givrodahkan. Plána mihttomearrin lea aktiivvalaččat eastadit olggušteami ja heađušteami sihke buoridit bargoveaga ja áššehasaid vásihan ovttaveardásašvuođa. Guovddážin lea sihkkarastit, ahte juohkehaš sáhttá meannuduvvot gudnejahttimiin beroškeahttá agis, sohkabealis, etnihkalaš dahje našuvnnalaš duogážis, gielas, doaladumis, doaibmanávccas, dearvvašvuođadilis, seksuála sojus dahje mas beare eará olbmui laktásan iešvuođas.
Meahciráđđehusa strategiijas plána gullá temái / searalaš ja ovttaveardásaš bargoveahka ja doaibmá konkrehtalaš bargoneavvun dan ollašuhttimis. Váldohoavda Juha Niemelä deattuha plána mearkkašumi organisašuvnna strategiijas:
”Máŋggahámatvuođa-, dásseárvo- ja ovttaveardásašvuođabargu lea guovddáš oassi min ovddasvástádusas luonddu árvvu ja oktasaš opmodaga ovddideaddjin. Háliidat sihkkarastit, ahte doaibmamet lea ovttaveardásaš bargovehkii, áššehasaide ja guimmiidege, ja áhte juohkehaš sáhttá bargat barggus dego lea, luohttámušain ja árvvusatnimiin.”
Niemelä mielde beaiváduvvon plána nanne Meahciráđđehusa válmmašvuođaid hukset oktasaš boahttevuođa ja joatkit jo árabut dahkkon buori barggu ain vuoiggalut ja máŋggahámat organisašuvnna guvlui.
Plána beaivádeami doarjjan leat ávkkástallan máŋggabealat materiála: bargovehkii čujuhuvvon jearahallama Ovttaveardásaš bargoservoša beales, jahkásaš bargoveahkadutkamuša bohtosiid, ovddit plánabaji doaibmabijuid árvvoštallama sihke dáládili kártema bargoveahkaráhkadusas ja fitnodatvástofierpmádaga FIBS:a máŋggahámatjođiheami bargoneavvuin.
Plána gárvvisteamis vástidan HRD-áššedovdi Sanni Hagman muitala proseassas:
”Lei fiinnis beassat vástidit plána gárvvisteamis. Ovddit plánabajis ovdáneimmet hui bures, ollašuhtiimet konkrehtalaš doaimmaid ja lasiheimmet bargoveaga čehppodaga plána temáin. Dát bargu dagai nana vuođu joatkit ain máŋggahámat, dásseárvvolut ja ovdaveardásat Meahciráđđehusa guvlui.”
Čuovvovaš golmma jagi áigge Meahciráđđehus sikte nanosmahttit máŋggahámat, ovttaveardásaš ja dásseárvosaš bargoservoša sihke eastadit olggušteami ja heađušteami bargoaddidoaimmas ja maiddái áššehasaide, guimmiide ja čanusjoavkkuide fállojuvvon bálvalusain. Plána sisttisdoallá maiddái doaimmaid, maid vuođđu lea ovddit plánas, sápmelaččaid ovttaveardásašvuođa ovddideapmái Meahciráđđehusa bargoaddidoaimmas.
Bajideamit plánabajis:
1. Máŋggahámatvuohta, dásseárvu ja ovttaveardásašvuohta bargoservošis
- Joatkit skuvlejumiid máŋggahámatvuođas, ovttaveardásašvuođas, inklusiivvalaš gulahallamis ja mielavuloš ovdagáttuin.
- Jođiheami ja ovdaolmmošbarggu ovddideamis nannet ovttaveardásašvuođa ja máŋggahámatvuođa temáid.
2. Rekryteren
- Anonyma rekryterema ávkkástallama joatkit boahttevaš plánabajis.
3. Osolašvuohta olggušmeahttunvuohta
- Heađušteami, olggušteami ja heivetmeahttun meannudeami ovddalgihtii eastadeapmi deattuhuvvo systemáhtalaččat.
- Bargoservošii dahkat ain nannosut speallannjuolggadusat psykologalaš dorvvolašvuođa sihkkarastima várás.
- Ovddidat seahkaneami málliid ja nannet vugiid bajidit vigiid.
4. Olahahttivuohta ja easttahisvuohta
- Skuvlet bargoveaga olahahtti materiálaid buvttadeamis.
5. Sámegielaid ja sápmelaččaid rivttiid ovddideapmi
- Jorgalat rekryterenalmmuhusaid sámegielaide rekryteremis sámiid ruovttuguovllus.
Lassedieđut:
HRD-áššedovdi Sanni Hagman, Meahciráđđehus sanni.hagman@metsa.fi tel. 0405272740
Váldohoavda Juha Niemelä, Meahciráđđehus, juha.niemela@metsa.fi, tel. 050 500 3681