Meahciráđđehus lea Meahciráđđehusas addon lága (234/2016) 18 § vuođul 17.4.2025 addin mearrádusaiguin MH 1686/2025 ja MH 1687/2025 nannen iešguđet guovlluid dihtoeriid Meahciráđđehusa hálddašanvuloš stáhta eanan- ja čáhceguovllu geavahusas meahcásteapmái. Mearrádus MH 1686/2025 guoská sápmelaččaid ruovttuguvlui ja mearrádus MH 1687/2025 Suoma stáhta eará eanan- ja čáhceguovlluide, maid Meahciráđđehus hálddaša.
Mearrádusat dollojit oaidnin láhkai 31.5.2025 rádjái Meahciráđđehusa Oulu ovttadagas, Veteraaninkatu 9, 90130 OULU ja lassin Meahciráđđehusa neahttasiidduin čujuhusain www.metsa.fi ja www.eraluvat.fi.
Áššegirjji oaidnin láhkai ásaheamis almmuhuvvo lassin čuovvovaš aviissain: Helsingin sanomat, Lapin Kansa, Kaleva, Kainuun Sanomat, Maaseudun Tulevaisuus ja Hufvudstadsbladet.
Mearrádussii oažžu váidimiin ohcat rievdadusa Davvi-Suoma hálddahusrievttis 30 beaivvi siste mearrádusa diehtunaddima maŋŋil. Dárkilut rávvagat rievdadusohcamis leat mearrádusa mildosa váidinčujuhusas.
Diehtunaddin gávnnahuvvo dáhpáhuvvan čihččet beaivve almmuhusa almmustahttima maŋŋil 23.4.2025 Meahciráđđehusa neahttasiidduin dahjege 30.4.2025. Váidináigi nohká 31.5.2025.
Helssegis 17. beaivve cuoŋománus 2025
MEAHCIRÁĐĐEHUS