Sosiála ovddasvástádus
Meahciráđđehus gudnejahttá olmmošvuoigatvuođaid ja sihkkarastá vuoiggalaš ja dássebealat doaibmama ja meannudeami sihke bargoveaga, áššehasaid, osolaččaid ja čanasjoavkkuid oasil. Mii eat dohkket doaimmaineamet, bálvalusaineamet, bargoservošiinnámet dahje árvoráiddusteamet makkárge heađušteami, givssideami dahje vealaheami.
Mii dovdát Meahciráđđehusa doaimma dáláš dahje vejolaš váikkuhusaid olmmošvuoigatvuođaide. Mii eat dohkket mange hámis iežamet doaimmas dahje árvoráidduineamet mánnábargofámu, bággobargama, olmmošgávppi dahje earálágan dálá áiggi šlávvavuođa. Fitnodatdoibmii ja olmmošvuoigatvuođaide guoski ON:id stivrejeaddji prinsihpat (UNGP) leat okta vásttolašvuođapolitihka dehálamos elemeanttain. Mii eaktudit sosiála ovddasvástádusas fuolaheami maiddái háhkan- ja soahpamušguimmiineamet min doaibmavuohkerávvaga mielde.
Ovddidit girjáivuođa, dásseárvvu ja ovttaveardásašvuođa
Girjáivuođa-, dásseárvo- ja ovttaveardásašvuođa -plána
Meahciráđđehusa girjáivuođa-, dásseárvo- ja ovttaveardásašvuođaplána 2023–2026
Meahciráđđehusa girjáivuođa-, dásseárvo- ja ovttaveardásašvuođaplána doaibmabijuiguin oččodit sihke máŋggabealagabbo bargoservoša, mas juohkehaš sáhttá leat barggus individuálalaččat dat gii lea ja jávkadit vealaheami sihke bargoaddidoaimmas ja bálvalusain, mat leat čujuhuvvon áššehasaide, osolaččaide, riikkavuložiidda ja čanasjoavkkuide. Mii ovddidit bálvalusaideamet juvssahahttivuođa ja easttahisvuođa ja fuolahit iežamet bargoveaga ja áššehasaid dorvvolašvuođas. Plánas linnjejuvvojit maid doaimmat sámiid ovttaveardásašvuođa dorvvasteami várás.
Heivehit oktii iešguđetlágan dárbbuid stáhta eana- ja čáhceguovlluin
Máŋggalágan geavahandárbbuid ja sávaldagaid lihkostuvvan oktiiheiveheapmi ovttas čanasjoavkkuiguin lea min doaimmaid vuođđu. Doaibmamet stáhta eana- ja čáhceguovlluin vuođđuduvvá ovttas báikkálaš servošiiguin, áššehasaiguin ja eará čanasjoavkkuiguin ráhkaduvvon luondduriggodatplánaide, main linnjet stáhta eana- ja čáhceguovlluid guhkes áigegaskka geavaheami ja sihkkarastojuvvo doaimmaid ekonomalaš, ekologalaš, sosiála ja kultuvrralaš suvdilvuohta badjel sohkabuolvvaid. Doaibmamet bokte ovddidit olbmuid dearvvašvuođa ja buresveadjima Suomas.
Dorvvastit sámiid kultuvrra hárjeheami eavttuid
Meahciráđđehus dikšu, geavaha ja suodjala iežas hálddašan luondduriggodagaid nu, ahte sámiid kultuvrra hárjeheami eavttut dorvvastuvvojit sámiid ruovttuguovllus. Mii dorvvastit sámiid rievtti bajásdoallat iežaset giela ja kultuvrra soahpamuš- ja ráđđádallanmeannudemiid bokte ja maiddái doarjumiin sámegielat gulahallama. Mii geavahit Akwé: Kon -doaibmamálle buot mearkkašahtti fitnuin, dego luondduriggodatplánemis ja luonddusuodjalan- ja meahcceguovlluid dikšuma ja geavaheami plánemis.
ON:id suvdilis ovdáneami mihttomearit
Mii sáhttit iežamet doaimma, sosiála ovddasvástádus -deattuhusain, váikkuhit erenomážit mihttomeriide 5: sohkabeliid dásseárvu ja 8: olmmošárvosaš bargu ja ekonomiijastuorrun.
