Vánddardanráhkadusaid hálddašeami sirdimat geavahanriektesoahpamušai
Luonddubálvalusat sáhttet sirdit iežaset oamastusas, dikšuma olggobeallái báhcci ráhkadusaid, huksehusaid, viesuid ja johtolagaid nuppi oassebeali hálddašeami vuollái ja dikšumii dihto eavttuiguin. Dát dáhpáhuvvá láigohemiin namuhuvvon čuozáhaga geavahanriektesoahpamušain bálvalusa buvttadeamis beroštuvvan heivvolaš guoibmái. Luonddubálvalusain leat hábmejuvvon dán várás oktilaš riikkaviidosaš soahpamušmálle ja prinsihpat sihkkarastit bealehisvuođa, vásttolašvuođa ja áššehasdorvvolašvuođa.
Geavahanriektesoahpamušas sohppojuvvojit čuovvovaš áššit:
- Sirdojuvvojit čuozáhagat, mat leat juo leahkimin (bosihanbáiki, huksehus, johtolat) ođđa hálddašeaddjái.
- Čuozáhagaid oamasteapmi seailu ain Luonddubálvalusain.
- Luonddubálvalusat sirdet nuppi oassebeallái soahpamuša čuozáhaga ráhkadusaid, huksehusaid ja/dahje johtolagaid
- bajásdoallama
- hálddašeami
- goasttádusaid ovddasvástádusa
- ovddasvástádusa áššehasdorvvolašvuođas.
Guovddáš prinsihpat vánddardanráhkadusaid sirdimis olggobeale oassebeali hálddašeapmái:
- Čuozáhagat (bosihanbáiki, huksehus, johtolat) galget bissut rabas ja nuvttá geavahusas buohkaide.
- Luonddubálvalusat árvvoštallet álggus ieža, leago dihto čuozáhat dakkár, ahte dan lea vuogas ja vejolaš sirdit nuppi oassebeali hálddašeami ja dikšuma vuollái.
- Soahpamuša čuozáhat galgá leat áššehasdorvvolašvuođa geahččanguovllus dakkár, man hálddašeami Luonddubálvalusat sáhttet vásttolaččat sirdit nuppi oassebeallái. Oassi vánddardanráhkadusain leat dakkárat, ahte daid ii sáhte geavahanriektesoahpamuša bokte sirdit nuppi doaibmi ovddasvástádussan.
- Guoibmin geavahanriektesoahpamušaide Luonddubálvalusat ohcá vuosttaš sajis gielddaid ja gávpogiid dahje seammá sullasaš almmolačččat ávkkálaš doaibmiid. Luonddubálvalusat árvvoštallet beroštuvvan doaibmiid vejolašvuođaid váldit čuozáhaga dahje čuozáhagaid iežaset ovddasvástádussan (vásttolašvuođa kritearat).
- Soahpamušáigodat bistá unnimustá 5 jagi ja eanemustá 10 jagi.
- Soahpamušáigodagas Luonddubálvalusat eai čujut ruhtadeami dahje eará bajásdoallama čuozáhahkii iige mávsse guoibmái buhtadusa čuozáhagaid bajásdoallamis.
- Geavahanriektesoahpamušas ferte máksit ja dat sisttisdoallá fásta ovddasvástádusaid ja geatnegasvuođaid.
Luonddusuodjalanguovlluid olggobealde Meahciráđđehusa fitnodatdoalu hálddašan guovlluid Luonddubálvalusaid ráhkadusaid sáhttá maid vuovdit. Vuovdin lea vejolaš álgovurrosaččat gielddaide ja gávpogiidda ja nu, ahte dat báhcet rabas, nuvttá geavahussii. Ráhkadusaid vuovdin eaktuda, ahte oasti čatná eanavuođus eananláigo- dahje geavahanriektesoahpamuša.