Vánddardanráhkadusat
Meahciráđđehusa bajásdoallan vánddardančuozáhagain bajásdollet máđijaid, bálgáid ja šaldiid sihke vuoiŋŋastanbáikkiid ja tealtáguovlluid oktan hivssegiin, bissehansajiid ja gáddáiboahtinbáikkiid. Čuozáhagain leat maiddái oahpistanrusttegat dego šilttat ja galbbat. Dás vánddardeaddjái nuvttá bálvalanrusttegiin suodjalanguovlluin ja historjáguovlluin vástida Meahciráđđehusa Luonddubálvalusat.
Galledeaddjiid idjadeapmái Meahciráđđehusas leat fállat muhtun veardde iežas stobut dego ávdin- ja várrenstobut. Idjadeami suodjalanguovlluid olggobealde fállet báikkálaš fitnodagat.
Figgat hukset guhkesagat, eallingierdogoluid dáfus hálbbes ráhkadusaid ja rusttegiid, mat heivejit oppalašvuohtan birrasii ja eanadahkii. Čuozáhagat galget leat geavaheami dáfus riekta mihttodallon ja vejolaččat rievdadit dárbbu mielde. Ođasmuvvi energiija ávkkástallančovdosat ávžžuhuvvojit. Boares ráhkadusat divvojuvvojit ja geavahuvvojit daid kulturárvvuid gudnejahttimiin.
Bálvalanrusttegat dárbbu mielde
Eará luonddusuodjalanguovllut ovddiduvvojit luonddus dáfus rusttegiiguin sierra dásiide. Unnimus- ja eanemusmihttomearredásit nannejuvvojit dikšun- ja geavahanplánain. Bálvalanrusttegat ja dan ávkkástallan figgojuvvo stivrejuvvot suodjalanguovllu daidda osiide, main luondduárvvut áitojuvvojit unnimusat. Eanáš jekkiidsuodjalanguovlluide ja smávva luonddusuodjalanguovlluide eat hukse olláge bálvalanrusttegiid.
Buot bálvalanráhkadusat ja bálvalusat sajuštuvvojit čohkkejuvvon vugiin ja avádagaid mielde nu, ahte oasseguovllut, maidda eai stivre olláge olbmuid, eai hehtte luonddu árvvolaččamus osiid. Avádatprinsihpa mielde figgat nuppe dáfus doarvái stuorra hehttekeahtes guovlluid dahkamii ja geavaheami váttisvuođaid (omd gollama) minimeremii ja nuppe dáfus fas fállat luonddus beroštuvvan galledeaddjijoavkkuide vejolašvuođa oahpásmuvvat guvlui ja vásihit fiinna luonddueallámušaid.
Vánddardančuozáhagaid bajásdoallan ja fuolaheapmi
Meahciráđđehusa divššus lean vánddardančuozáhagaid bajásdoallan ja fuolahus lea viiddis bargoeana. Dasa gullet doaimmat kulturhistorjjálaččat dehálaš ráhkadusaid divvumis boaldinmuorra- ja bázahusfuolahussii.
Suodjalanguovlluid fuolahus ordnejuvvo nu, ahte dat čuohcá lundui nu unnán go vejolaš. Boaldinmuorra- ja bázahusfuolahus gáibidit goittotge lihkadeami guovllus. Hivssetbázahus komposterejuvvo ja dasa sáhttá dahkat meahccái gaskaboddasaš vurkensajiid. Meahciráđđehus roahkasmahttá olbmuid iehčanas bázahusfuolahussii suodjalanguovlluin. Ruskalihtit leat sajuštuvvon muhtun guovlluide unnit go dábálaččat. Seahkalašruskkaid čoggoma eastadit maiddái ruskkaid sirremiin jo meahcis.
Meahciráđđehusa Luonddubálvalusaid gieddebargoveahka lea fuolahanbarggu lassin mielde suodjalanguovlluid luonddudikšumis ja áššehasbálvaleamis meahcis, ee. oahpistan- ja bearráigeahččodoaimmain.
Fuolahanbargguid dikšot maiddái suorggi fitnodatdoallit. Mátta- ja Gaska-Suomas Meahciráđđehus addá barggu rabaslágádusfáŋggaide.