Giddodagaid vuovdin, láigoheapmi ja geavahanrievttit
Min mihttomearri lea fállat iešguđet surggiid doaibmiide huksensajiid, maid bokte dat sáhttet buvttadit ovdamearkka dihtii orrun- dahje prográmmabálvalusaid dahje mašiidnasálebálvalusaid áššehasaidasaset. Huksensajiid sáhttá oastit dahje láigohit. Dasa lassin mii mieđihit stáhta eatnamiidda geavahanrivttiid, maiguin luobahuvvo geavahanriekti, mii lea eambbo ráddjejuvvon go eatnanláigoriekti.
Buhtes luondu lea Suoma mátkeealáhusa stuorámus geasuheaddjifáktor. Das leat beroštuvvan sihke ruovttueatnama mátkkošteaddjit ja olgoriikalaš guossit. Guktot váillahit ain ođđaáigásabbo orrunsajiid ja buoret bálvalusaide. Maid iešguđetlágan industriijafitnodagat dárbbašit doaimmaidasaset saji, maid sáhttit lávvet daidda ovttasbarggus gielddaiguin.
Suodjalanguovlluid ja luonddučuozáhagaid bálddas dahje lahkosis lea earenoamážit Nuorta- ja Davvi-Suomas dávjá stáhta fitnodatdoaibmageavahussii čujuhuvvon eanasadji, man mii ovddosdikšut ovttas gielddaiguin mátkeealáhusa dárbbuide. Mii sáhttit lávvet eatnama sihke luopmo- ja ássanvistesadjin ja fitnodatdoaibmasadjin, maid bokte fitnodagat sáhttet buvttadit ovdamearkka dihtii orrunbálvalusaid. Min prinsihppa lea, ahte mii vuovdit dušše lávvejuvvon eatnamiid. Ná stáhta eatnama ovddosdikšunárvu báhcá stáhtii.
Máŋggaatnovuvddide sáhttá dahkat maid soahpamušaid vuođul ovdamearkka dihtii iešguđetlágan johtolagaid, maiguin sáhttá burgit suodjalanguovlluide čuohcci geavahandeattu.
Daningo mii leat stuorra eananeaiggát, mii sáhttit vuhtiiváldit luonddu girjáivuođa, dálkkádatsuvdilvuođa ja iešguđet ealáhusaid lávvedettiineamet guovlluid. Vai lávven bálvalivččii buoremus lági mielde áššehassamet dárbbuid, mii dahkat dan dávjá ovttasbarggus áššehasain. Mis sáhttá oastit gárvves huksensaji dahje ovttas ovddidišgoahtit iešguđet lávvadásiid guovlluid heivet iežas fitnodatdoibmii.
