Buorre hálddahus

Meahciráđđehus čuovvu doaimmastis buori hálddašanvuogi ja almmolaččat dovddastuvvon buriid fitnodatdoaibmaprinsihpaid. Dáid ja Meahciráđđehusa iežas doaibmavuohkerávvaga bokte figgat eastadit boasttugeavahemiid ja ovddidit vásttolaš ja ehtalaš fitnodatkultuvrra.

Riekta doaibman ja gáibádusaid čuovvun lea buorre hálddahus

Meahciráđđehus doaibmá buori hálddahusvuogi mielde čuovvumiin stáhta oamasteaddjistivrema prinsihpaid. Buorre hálddahusvuohki meroštallá mearrádusbarganráhkadussamet ja -geavadiiddámet ja min gaskavuođa čanasjoavkkuide. Strategiijamet, árvomet ja doaibmavuohkerávvageamet váikkuhit oktilaččat olles jođihanvuogádahkaseamet. Mii ovddidit doaibmamet čađa čuovgi láhkai buori hálddahusa ja jođihanvuogádaga, riskahálddašeami ja gáibádusaid čuovvuma viiddes ollisvuohtan (Governance, Risk and Compliance -ollisvuohta).

Mii doaibmat boađuslaččat ja fámolaččat jođihemiin ja ovddidemiin vásttolašvuođa buoremus geavadiid mielde. Mii sihkkarastit, ahte doaibmamet čuvvot gáibádusaid, leat ehtalaččat eaige vealat. Meahciráđđehusas leat doaibmavuogit korrupšuvnna, vuoidama ja beroštumivuostálasvuođaid eastadeapmái. Min mihttomearri lea vuoitit čanasjoavkkuid luohttámuša lihkostuvvan oktiiheiveheami ja ovttasbarggu bokte. Mii figgat oppa áigge buoridit čanasjoavko- ja áššehasvásáhussamet ja viiddidit vásttolaš ja ehtalaš doaibmavugiid min olles árvoráiddus.

ON:id suvdilis ovdáneami mihttomearit

Sáhttit doaibmamet, buorre hálddahus -deattuhus, bokte váikkuhit erenomážit mihttomearrái 16: ráffi, vuoiggalašvuohta ja buorre hálddahus.