Diehtosuodječilgehus: Luonddubálvalusaid oktavuođadiehtoregistarat
Máŋggain Luonddubálvalusaid bargguin váldit osolažžan olggobealát oassebeliid dahje doallat daiguin oktavuođa, dávjá joatkevaš vuogi mieldege.
Oasálažžan váldin laktása teahttásit ovdamearkka dihtii suodjalanguovlluid dikšuma ja geavaheami plánemii ja luonddusuodjalanguovlluid mearrádusválmmaštallamii. Oasálažžan váldin sáhttá laktásit maiddái earálágan ovddidan- dahje ovttasbargofidnuide ja prošeavttaide. Dánlágan oasálažžan váldimis oktavuođadieđuid geavahandárbu lea mearreáigásaš.
Luonddubálvalusain lea maiddái joatkevaš lágán, stáđásmuvvan ovttasbargu sihke oktavuođadoallan ja gulahallan máŋggaiguin báikkálaš čanusjoavkkuiguin ja oassebeliiguin. Dákkáraš dáhpáhusain ovttasbargooassebealit leat viehka bissovaččat, muhto oktavuođaolbmot molsašuddet.
Ain Luonddubálvalusain lea viehka dávjá ovttaskas dilálašvuođaide ja dáhpáhusaide laktásan gaskaboddasaš dárbu doallat oktavuođa ja gulahallat, mii gáibida oktavuođadieđuid geavaheami.
Dieđuid čoaggin
Oktavuođadiehtoregistariid dieđut bohtet dábálaččat gulahallanoassebeliin dahje registreren olbmuin alccesis. Dieđut sáhttet boahtit maiddái earáin ovttasbargooassebeliin.
Dieđut, mat registrerejuvvojit, leat gulahallanoassebeali namma ja oktavuođaolbmo namma, lassin dábálaččat okta dahje eanet čuovvovaččain: oktavuođaolbmo šleađgapoastačujuhus, telefonnummir, poastačujuhus, tihttel.
Dieđuid gieđahallan ja luobaheapmi
Dieđuid gieđahallan vuođđuduvvá dábálaččat Luonddubálvalusaide Meahciráđđehuslágas dahjege luonddusuodjalanmearrádusain meroštallojuvvon almmolaš hálddahusbargguid dahje earáid bargguid dikšumii dahjege Meahciráđđehusa almmolaš ávkái.
Dieđuid čohkkemis, bajásdoallamis, jávkadeamis ja geavaheamis vástidit dakkáraš Luonddubálvalusaid olbmot, geat barggustis dáid dieđuid dárbbašit ja geain lea dása riekti.
Dieđut eai gieđahallojuvvo dahje luobahuvvo EU:a dahje EDG-guovllu olggobeallái.
Dieđuid suddjen
Oktavuođadiehtoregistara dieđuid suddjemis čuvvojuvvo buorre diehtodorvogeavadat sihke fámus lean lágaid ja mearrádusaid ja Meahciráđđehusa rávvagiid, mat dievasmahttet daid.
Dieđuid seailluheapmi
Oktavuođadieđut gieđahallojuvvojit ja seailluhuvvojit dárbbašahtti áiggi. Stuorra oassi oktavuođadiehtoregistariin leat mearreáigásaččat, nuba daid geavahandárbu lea dábálaččat 1–2 jagi. Uhca oassi oktavuođadiehtoregistariin leat goittotge bissovaččat (omd. jotkkolaš ovttasbargojoavkkut).
Registreren olbmo vuoigatvuođat
Registreren olbmos lea vuoigatvuohta bivdit iežas guoskkahahtti dieđuid ja bivdit eahpedárkilis ja boastto dieđuid vuigema ja daid gieđahallama ráddjema dan áigái go rivttes dieđut nannejuvvojit. Registreren olbmos lea maiddái vuoigatvuohta dahkat váidaga bearráigeahččaneiseváldái persovdnadieđuid gieđahallandoaimmain, sihke muđuige geavahit diehtosuodjeásahusa ja dan dievasmahtti našuvnnalaš láhkaásaheamis oiavvilduvvon vuoigatvuođaidis.
Registara doalli oktavuođadieđut
Diehtosuodjeáššiin bivdit váldit oktavuođa vuosttažettiin čálalaččat njuolga registtardoallái: Metsähallitus/Kirjaamo, PL 80, 00521 Helsinki dahje molssaevttolaččat tietosuoja(at)metsa.fi-čujuhussii.