Almmustahtton 18.3.2020

Vánddardanbáikkiid várren- ja láigostobut giddejuvvojit

Koronavirusa leavvama eastadeapmin Meahciráđđehusa luonddubálvalusaid iežas láigoheamis lean várren- ja láigostobuid várremat šluhttejuvvojit giđđasesoŋŋa áigge 21.3.2020 rájes.

Stobut leat eandalii álbmotmehciin, eará suodjalanguovlluin ja meahcceguovlluin. Oassi stobu várren lea jo meahcis stobu čoavdagiin, ja sii dorvvolašvuođas dihtii geavahit stobu várrema áigge.

Meahciráđđehusa luonddubálvalusat šluhtte iežas láigoheamis lean várren- ja láigostobuid sihke várren- ja láigogođiid ja gámmiid várremiid vánddardanguovlluideaset miessemánu loahpa rádjai. Vánddardanbáikkiid sávnniid ii oaččo doaisttážii geavahit.

Šluhtten guoská álbmotmehciin, eará suodjalanguovlluin ja meahcceguovlluin lean stobuid, gođiid ja gámmiid. Ráhkadusat leat smávvá, ja dain leat máŋggat hui lahka lean seaŋgasajis. Giđđasesoŋŋa stobut leat eandalii Lappi guovllus dávjá várrejuvvon. Vánddardandiliin doarvái buori hygieniija bajásdoallan koronavirusedpidemiija áigge lea váttis.

Várrema dahkan olbmuide lea oktavuođas jođáneamos lági mielde. Máksojuvvon várrenmávssut máhcahuvvojit dahje várrema sáhttá sirdit. Stobuide vejolaččat laktásan meahccejohtaluslobiin boahtá lassediehtu lagaš áiggiid.

Ávdinstobuid eai gidde, go daid geavaheaddjiide ii sáhte váldit oktavuođa ja ávdinstobuid dárbbašit fuones dálkki boađedettiin. Meahciráđđehus muittuha, ahte eandalii ealaskeamos stobuin sáhttet beaivválaččat fitnat máŋgalogi olbmo, nuba juohkehaš ferte vihkkehallat, ahte mannágo ávdinstohpui.

Jo árabut Meahciráđđehus lea ávžžuhan garvit vuolgima vánddardit boaittobeale báikkiide, main eai leat johtalusoktavuođat. Ovdamearkan Lappis vánddardeaddji várren-, láigo- ja ávdinstobut leat juobe logiid kilomehteriid geažes lagamus geainnuin. Veahki oažžun fuones oktavuođaid geažes lean stobuide ja eará guhkkin lean vánddardanbáikkiide bistá heahtediliin diimmuid ja fuones dálkkis vel guhkit, juobe beivviid.

Vánddardandiliin hygieniija bajásdoallan lea álo dehálaš, muhto dál dat lea eandalii dehálaš.

Lassidieđut:

Álbmotmeahccehoavda Pirjo Seurujärvi, t. 0206 39 7704