Jasper Pääkkönen ja Korpi Capital Oy leat dahkan Meahciráđđehusain ovdasoahpamuša eatnama láigoheamis Anára Naŋŋânjaargâst. Guvlui leat plánen luondduárvvuid gudnejahttán alladási turismafidnu. Ráđđádallamat gevvojuvvojit hui alladási turismii sikten riikkaidgaskasaš hoteallaoperáhtoriiguin.
– Lean jagiid áigge niegadan Lappi turismma ovddideamis, namalassii earenoamáš kvaliteahttastandárddaid čuvvon fidnuin. Lappi turisma galgá vuođđuduvvat vásttolašvuođa, luondduárvvuid ja suvdilisvuođa ala. Lappii boahtán turista, guhte lea gárvvis máksit, ohcá mátkkistis eandalii jaskatvuođa ja luonddu ráffái gullevaš eallámušaid, fidnu álggaheaddji Jasper Pääkkönen muitala.
Plánema vuollásaš fidnu sisttisdoallá dárbbašuvvon huksenvuoigatvuođa ektui oalle vehá idjadan- ja restoráŋŋakapasiteahta, muhto ollašuhttin deavdá kvalitehtadásis beales riikkaidgaskasaš duođaid alladási hoteallaoperáhtoriid gáibádusaid. Lappi luondu ja suopmelaš sávdni leat fidnu plánemis dehálaš sajis.
Fidnu vuolggasadjin boahtá leat lundui vuogáiduvvan, gudneáŋgiris ja riikkaidgaskasaš dási arkitektuvra.
– Dát lea hui miellagiddevaš fidnu. Juohkit seammá árvvuid vásttolašvuođas, suvdilis turismmas ja luondduárvvuid seailluheamis go Pääkkönen ja Korpi capital Oy. Leat mielas mielde ovddideamen vejolašvuođaid dán sullasaš fidnuide., Meahciráđđehus Giddodatovdáneami gb. hoavda Tauno Kandelin dadjá.
– Löyly mielde mu jurdagat birasustitlaš, luonddu gudnejahttán arkitektuvrra geasuhusas leat nanosmuvvan ovddežis. Fidnomet váimmus lea heivehit ráhkadusaid oassin Naŋŋânjargâ luonddu. Alla kvaliteahttadási turista ii oza Lappis čuvges alážiid, muhto buhtes, ráfálaš luonddueallámušaid. Mii deháleamos, Lappi turismma ii galgga ovddidit mássaturismajurdagiin, Pääkkönen gávnnaha.
– Bođeš báikki operáhtoriin dahje ovttasbargoguoibmin gii beare, de eavttuhis gáibádussamet lea, ahte min jurdagat luonddusuodjaleamis deaivvadit, muitala Pääkkönen.
Vel áramuttus plánemis lean fidnu lea ožžon riikkaidgaskasaš beroštumi dan mađe, ahte ovdasoahpamuš eatnama láigoheamis ja guovllu lávvabargu bohte áigeguovdilin. Guovllu ovddideapmi dahkko buriin ovttasbargguin eanaeaiggáda dahjege Meahciráđđehusa, Anára gieldda ja fidnui álgán beliid gaskka. Láva pláne FCG Suunnittelu ja tekniikka Oy.
– Guovllus leamašan jo guhkit áigge dahkamin oppalašláva, mas Naŋŋânjargâ lea čujuhuvvon turismma bálvalan huksemii. Čuovvovaš muddu lea gáddeoasseoppalašlávva, man dahkat ovttas kundariin nappo Pääkkönen ja Korpi Capital Oy:ain ja Anára gielddain, Kandelin muitala.
Lassidieđut
Tauno Kandelin, gb hoavda, Meahciráđđehus Giddodatovdáneapmi, 040 532 5552, tauno.kandelin(at)metsa.fi