Almmustahtton 31.10.2019

Meccihaldâttâs vijđes täsiárvu- oovtâviärdásâšvuotâvuávám lii olgosadelum

Tiäđáttâs, vaalmâš olgosaddelmân tuo 31.10.2019 tme 6.00

Meccihaldâttâs uđđâ täsiárvu- já oovtâviärdásâšvuotâvuávám lii vijđásub ko laavâst lii kenigittum. Vuávám vievâst Meccihaldâttâs oovded oovtâviärdásâšvuođâ já iästá olgoštem. Meccihaldâttâsâst pargeh suullân 1200 jieškote-uv suorgij äššitobded. Äššigâsâi, čonâsjuávhui já pargokuoimij lohomeeri lii styeres. Tääl šaddee uđâsmitmeh pyeredeh tuháttij ulmui pargoeellim já vala stuárráb juávhu rijjâääigi.

Meccihaldâttâs täsiárvu- já oovtâviärdásâšvuotâvuávám juáhhás kuulmâ uásán: oovtâviärdásâšvuođâ ovdedem Meccihaldâttâs pargoadeleijeetooimâst já palvâlusâin sehe tooimah sämmilij oovtâviärdásâšvuođâ turvim várás. Vuávám vievâst lii ulmen árvustâllâđ tááláá tile ađai tom, maht täsiárvu- já oovtâviärdásâšvuotâ olášuvá Meccihaldâttâs pargovievâst já mudoi-uv tooimâin. Vuáváámist lii miäruštâllum, maht Meccihaldâttâs puátteevuođâst áiccá já iästá olgoštem já oovded oovtâviärdásii kohtâlem já suhâpelij täsiáárvu.

Täsiárvu- já oovtâviärdásâšvuotâvuávám olášit Meccihaldâttâs ovdâsvástádâsvuotâohjelm já tärhismit kiđđuv olgosadelum toimâmvyehiravvuid. Vuávám visásmit, et ovdâsvástádâsvuotâpolitik linjiimeh aalmugijkoskâsijn ovdâsvástádâsvuotân lohtâšuvvee ravvuin já vuáđujurduin, nuuvt ko OA Nanos ovdánem toimâmohjelmist (Agenda 2030) sehe OA irâttâssáid já olmoošvuoigâdvuođáid kyeskee vuáđujurduin, olášuveh meid Meccihaldâttâs tooimâin. Vuávám lâi rähtimin pargovievâst čuákkejum pargojuávkku. Vuávám lii rahtum pajan 2019-2022 já ton olášuttem já čuávvum lii vastuuttum.

Oovtâviärdásâšvuođâ ovdedem Meccihaldâttâs pargoadeleijeetooimâst

Meccihaldâttâs lii pieijâm joton pälkkikarttim. Tot olášittoo uđđâáigásijn aldanemvuovvijn, vâi máhđuliih paalhij vuáđuttes iäruh iđáččii uáinusân.

Meriáigásijd pargeid uárnejuvvoo pyereeb piäsu pargokoskâvuotân kullee hiäđoid. Ovdâmerkkân pargokoskâvuotân kullee hiätu ePassi lii puátteevuođâst meid meriáigásij pargei kevttimnáál.

Meccihaldâttâs tuárju pargosiärváduv maaŋgâpiälásâšvuođâ lasanem iärrás lasseen rekrytistmáin anonymlávt. Pargo já eres eellim oohtânsovâttem hástoid västiduvvoo ovdâmerkkân vuáváámáin káiduspargovuovijd já njyebžilis pargoaaigijd, mooid uđđâ pargoäigilaahâ šadda adeliđ pyerebijd máhđulâšvuođâid ko tääl.

Meccihaldâttâsâst lii nollátolerans pargei koskâsii hemâdem kuáttá. Hemâdem estimân kyeskee ravvuuh já monâttâlmeh láá ain vuávámnáál. Sovâliih já nuubijd árvušteijee sárnumtäävih ovdeduvvojeh nuuvt Meccihaldâttâs siste ko vuáruvaiguttâsâst čonâsjuávhuiguin.

Hovdâvalmiimeh láá ohtâ kuávdáš taavijn vaiguttiđ toos, et jođettem já hovdâpargo lii täsipiälásâš já siämmáálágán já et eettisiih toimâmvyevih nanoduvvojeh organisaatiost.

Ovdedemtooimâi vuáváámist lii kevttum iššeen pargoviehân tohhum täsiárvu- já oovtâviärdásâšvuotâkarttim. Karttiimân västidij suullân peeli pargovievâst.

Oovtâviärdásâšvuođâ ovdedem Meccihaldâttâs palvâlusâin

Meccihaldâttâs almosviehân uáivildum enâdâhčuosâttuvâin lii porgum ennuv pargo iästuttes jotteem pyeredem várás. Iästuttesvuotâ ovdeduvvoo puátteevuođâst sehe almosviehân uáivildum čuosâttuvâin já toimâsoojijn.

Meccihaldâttâs viermisiijđoh peividuvvojeh ulâttetteevuotâvátámâšâi miäldásâžžân majemustáá 23.9.2020 räi, moobilheiviittâsah majemustáá 23.6.2021 räi. Viermisiijđoin váldoo vuotân ovdâmerkkân luvâttetteevuotâ ruuvduluuhâmohjelmáin, videoi tekstam já laađđâmmáhđulâšvuotâ tabulaattoráin säpligttáá.

Uásálistittee prosesij (osallistavat prosessit) ávusvuotâ já viestâdem ovdeduvvoo já tooid uásálistee pargei dialogitááiđuh nanoduvvojeh. Vuávámpargojuávhui maaŋgâpiälásâšvuođâ lasettem várás Meccihaldâttâs puáhtá vaiguttiđ iänááš ton jieijâs pargovievâ uásild, tondiet ko čonâsjuávkkuorganisaatioh nommâdeh jiejah jieijâs ässitobdeid vuávámprosesân. Prosesijn ij lah ulmen ubâ vahâgistkin tuárjuđ epitäsiárvusijd vuovijd.

Meccihaldâttâs uásálistittee vuávám oovtâviärdâsâšvuotâ čielgejui sehe pargokyeimi- já čonâsjuávkkututkâmuš puátusijguin já oppâčáituspargoiguin.

Tooimah sämmilij oovtâviärdásâšvuođâ turvim várás

Meccihaldâttâs lasseet pargovievâ tiäđuid sämmilij kulttuurist já vuoigâdvuođâin. Eromâšávt sämmilij päikkikuávlu tâi sämiašijguin pargee pargoviehâ movtijdittoo sämikielâ uáppoid já kielâškovliimân adeluvvoo toorjâ máhđulâšvuođâi mield. Oovtâviärdásâšvuođâ turvim várás puáhtá kevttiđ rekrytistemmuddoost positivlii sierânâskohtâlem.

Meccihaldâttâs čuávu Sämitiggijn oovtâst rahtum Akwé: Kon -toimâmmyenster tohálâšvuođâ já myenster ovdeduvvoo táárbu mield. Meccihaldâttâs pyereed sämmilij päikkikuávlu meccipalgâsij já Meccihaldâttâs Metsätalous Oy vuáruvaiguttâs.

Meccihaldâttâs vuáváá oovtâstpargoost Sämitiggijn čuávvumvyevi tooid sämikulttuur hárjuttem iävtuid torvejeijee toimáid, main lii meridum sämmilij päikkikuávlu kuávdáš prosesijn já vuáváámijn.

Sämmilijd kyeskee siskáldâs uásild lii lamaš laavâ 9 § miäldásâš ráđádâllâm Sämitiggijn.

Meccihaldâttâs oovdânpuáhtá jieijâs stuorrâ täsiárvu- já oovtâviärdásâšvuotâvuávám Meccipeeivijn Helsig Clarion-hooteel Tallberg-salist tuorâstuv 31.10.2019 tme 11.00-12.00.

Lasetiäđuh:
Terhi Vires, pargoviehâhovdâ, Meccihaldâttâs, puh. 040 8319 542, terhi.vires(at)metsa.fi
Terhi Koipijärvi, viestâdemhovdâ, Meccihaldâttâs, puh. 050 5989 958, terhi.koipijarvi(at)metsa.fi