Meahciráđđehus, Sámediggi, Nuortalaččaid siidačoahkkin ja sámeguovllu vuovdebálgosat leat maŋimuš jagi áigge dahkan válmmaštallamiid ođđalágan birassoabadallama meannudanvuogi atnui váldimii.
Mihttomearrin lea ovddidit dialoga Meahciráđđehusa fitnodatdoaimmaid ja bálgosiid gaskkas ja gávdnat vugiid nággojearaldagaid čoavdimii. Meahciráđđehus lea ožžon oassebeliin signálaid, maid mielde kártema livččii vejolaš álggahit giđđat 2020.
Sorjjasmeahttun oassebeali dahkan konfliktakárten lea riikkaidgaskasaččat ávkkástallon vuohki nákku vuollásaš áššegažaldagaid ja oassebeliid gaskasaš ovttasbargohástalusaid kártemis. Kárten veahkeha earuhit álgán dahje plánejuvvon ovttasbarggu eavttuid. Konflivtta kártejeaddjin doaibmá servodatlaš fitnodat Akordi, man spesiálasuorgi lea birassoabadallan.
Konfliktakártema mihttomearrin lea čohkket oassebeliid oainnuid nákku vuollásaš áššiin ja sierramielalašvuođaid sivain. Mihttomearrin lea maiddái gávdnat oassebeliid oainnuid das, maid nákku vuollásaš áššiid čoavdin gáibida. Kártema boađusin šaddá álgoevttohuslistu áššiin, maid luondduriggodatplánas galggašii gieđahallat. Kártema vuođul sáhttet šaddat ávžžuhusat maiddái eará vejolaš proseassain, main sáhttá gieđahallat ja čoavdit daid áššiid, mat eai gula luondduriggodatplánemii.
Bargu ovdána giđa ja geasi áigge nu, ahte Akordi jearahallá oassebáliid njukča-geassemeánu áigge. Akordi gárvvista jearahallamiid vuođul kártenraportta ja doaimmaha dan buohkaide proseassa álggahanoassebeliide suoidnemánu 2020 loahpa rádjai.
Raportta álggahanoassebealit mearridit ovttas raportta almmustahttimis ja vejolaš joatkkadoaimmain ja -proseassain. Bohtosiid ávkkástallama dáfus lea earenoamáš dehálaš, ahte dat leat anus sámiid ruovttuguovllu luondduriggodatplána álggedettiin ovdal čavčča.
Lassidieđut:
Guovlluhoavda Kii Korhonen, Meahciráđđehusa Vuovdedoallu Os, t. 0400 300 861
Beaivválaš jođiheaddji Jonna Kangasoja, Akordi Oy, t. 050 441 2863