Almmustahtton 13.9.2018

Lappi luondduriggodatáššedovdit linnjejedje vuođustusaid stáhta eatnamiid ávkkástallamii Lappis

Meahciráđđehusa doaimma ja eanageavaheami linnjemat boahttevaš viđa jahkái dahkkojit ovttas áššedovdiiguin, guovllu doaibmiiguin ja riikkavuložiiguin. Mihttomearrin lea gávdnat vugiid ávkkástallat suvdilit ja máŋggabealagit stáhta eana- ja čáhceguovlluid Lappi eanagottis.

Lappi luondduriggodatplána ovttasbargojoavku čoahkkanii Arktikumas maŋŋebárgga 4.9.2018. Luondduriggodatplána dahká sierra surggiid doaibmiid ovttasbargojoavku ovttasbargguin Meahciráđđehusain. Luondduriggodatplánas deattuhit ain eanet báikkálaš olbmuid oainnuid, čanusjoavkkuid sávaldagaid ja ideaid ođđa vejolašvuođain stáhta eatnamiid ja čáziid suvdilis ávkkástallamis.

Beaivvi bargobájiid mihttomearrin lei dahkat háltelinnjáid luondduriggodatplána gárvvisteapmái. “Lei fiinna oaidnit, mo áššedovdit barge ovttas. Oaččuimet ovdan bures sierra geahččančiegaid. Dán oaččuimet dovddu, ahte leat dahkkon oktasaš árvvut ja oaidnu, das mo ovttas ovddos guvlui, “illuda luondduriggodatplána prošeaktaoaivámuš Maria Sundman Meahciráđđehusas.

“Jus luondduriggodatplána livččii dállu, de dajašin, ahte dál leat leiken geađgejuolggi ja stellen sparruid. Dás lea vel olu bargu ovdalgo ollet loahppabohtosii. Ovttasbargojoavkku bargu joatkašuvvá, “plána bargobájiid jođihan Tomi Tuomasjukka čilge.

Ovttasbargojoavkku sátnejođiheaddji doaibmá Luondduváriidguovddáža hoavda Taneli Kohlström. Proseassas leat mielde almmolaš hálddahusdoaimmaid dikšon Meahciráđđehus, Lappi EBI-guovddáš, Bealuštanfámut, Lappi lihttu, Lappi universiteahtta, guovllu eanagottemuseat sihke ealáhusaid ovddugohcinorganisašuvnnat, fitnodagat ja eará organisašuvnnat. Plána dahkko stáhta Meahciráđđehussii ásahan mihttomeriid ja luondduváriid ávkkástallama suvdilisvuođa rámmaid siste. Prošeavtta loahppaboađusin gárvvásmuvvá luondduriggodatplána, mii láide Meahciráđđehusa doaimma Lappis jagiin 2019-2024. Sámeguovlu ii gula dán plánii, ja várás leat sierra luondduriggodatplánat.

Áššedovdioainnuid lassin luondduriggodatplánii váldojuvvojit mielde maiddái sierra temájoavkkuid ja álbmoga jurdagat. Boazodoalu, turismma, suodjaleami, áhpásmuhttindoaimma sihke gielddaid ja gieldaovttastumiid temájoavkkuide beassá vel váikkuhit.

Buot riikkavuložat sáhttet oassálastit plánii neahtas lean neahttajearahallama bokte. Jearahallan lea rabas gitta čakčamánu loahpa rádjai. Vástit jearahallamii: https://app.maptionnaire.com/fi/4505/?

Lassidieđut:
Maria Sundman, prošeaktaoaivámuš, Meahciráđđehus. maria.sundman(at)metsa.fi, tel. 040 752 43 73
Lappi luondduriggodatplánen: https://www.metsa.fi/fi/lapin-luonnonvarasuunnittelu