Almmustahtton 16.1.2019

Hui áittavuloš njála bessemat eai gávdnon beassedárkkistusain mannan jagige

Das fuolatkeahttá vaikke jagi 2019 dárkkistedje olahuslaš olu njálaid besiid de ii Suomas gávdnon oktage njála bessen. Njálla lea Meahciráđđehusa Luonddubálvalusaid ovddasvástádusšládja, ja danin Meahciráđđehus oktan ovttasbargoguimmiidisguin dahká jahkásaččat njálabesiid dárkkistusaid šlája dili čielggadeapmin. Ovddit sihkkaraston čivggaid buvttadan bessen lea moattelot jagi duohken.
Dálvit ja geassit 2019 dahke oktiibuot 397 dárkkistanfitnama 284 vejolaš njála beassái Davvi-Sámis. Fuolatkeahttá das, ahte dárkkistuvvon besiid mearri lea stuorát go goassige ovdal, eai ássojuvvon beasit áicojuvvon.
Movttiidahtti lei goittotge, ahte njálas dahke Eanodagas ja Ohcejogas máŋga sihkkaraston oaidnin- ja luoddaáicama. Moatti beasis njálat ledje maiddái roggan gobiid.
Dálvit duoddara giera lei muohttaga áigge viidát jieŋas, nuba vurdojuvvon muolddat- ja goddesáhpánčohkka bázii ollašuvakeahttá, ja njálaide dehálaš sálašeallit ledje unnán. Njála gilvaleaddjišlája, riebana, áice 64 sierra beasis. Riebanat ledje juogo ássan dain dahje lihkadedje daid lahkasiin.
Meahciráđđehusa Luonddubálvalusaid bargoveaga lassin stuorra oasi besiid dárkkistusain dahke viššalis eaktodáhtolaččat geassit. Sin ánssus besiid sáhtte dárkkistit olahusmeari. Das sidjiide stuorra giitosat!
Njállaovttasbargu lassána ain Ruoŧain ja Norggain
Jagi 2017 álgán Suoma, Ruoŧa ja Norgga oktasaš EU:a ruhtadan Interreg Nord Felles Fellrev Nord -prošeakta njála suodjalandili buorideapmin nogai jagi 2019 loahpas. Fidnu válddokoordinerejeaddjin lei Norrbottena leanastivrra ja Suomas mielde lei Meahciráđđehus. Ođđajagimánu áigge vuordit mearrádusa ruhtadeamis golmmajahkásaš joatkkafidnui.
Geavatlaš doaibman ledje riebana meahcásteapmi, njálaid lassebiebman, čuovvuma beavttálmahttin, eaktodáhtolašbarggu ovddideapmi ja earálágan oahpahus- ja gulahallanmateriála. Okta fidnu deháleamos bohtosiin leamašan davviriikalaš ovttasbarggu divttisteapmi.
Lassin njálaide leat ordnen biebmanautomáhtaid duottarguovlluide ovttas WWF:ain.
Njála áittavulošklassifiseren lea hui áittavuloš. Dálkkádatrievdan lea stuorra áitta šlája ceavzimii boahttevuođas. Suoma Sámi lagamus njála bessemat áicojuvvojedje Ruoŧa Norrbottenis, Norgga Romssa guovllus ja Várjjagis.
Njálla fuođđokámera govas jagi 2016. Govva: Meahciráđđehus.
Lassidieđut:
Alladárkkisteaddji Tuomo Ollila, telefon 0400 241448, šleađgapoasta tuomo.ollila(at)metsa.fi