Meahciráđđehus lea Meahciráđđehusas addojuvvon lága (234/2016) 18 §:a vuođul 13.12.2019 addin mearrádusain 4805/2019/08.02.00 ja 4807/2019/08.02.00 nannen iešguđege guovllu lohpeeriid, mat gusket Meahciráđđehusa hálddus leahkki stáhta čázádagaid geavaheami guolásteapmái. Mearrádus 4805/2019 guoská eatnandieđalaččat sámiid ruovttuguovllu ja mearrádus 4807/2019 eará Suoma.
Mearrádusat dollojit oaidninláhkái 31.1.2020 rádjai Meahciráđđehusa guovddášovttadagas (Ratatie 11, 01300 Vantaa), Avvila bálvalanbáikkis (Ivalontie 10, 99800 Avvil), Davvi-Lappi luondduguovddáš Siiddas (Inarintie 46, 99870 Anár) ja Duottar-Lappi luondduguovddážis (Peuratie 15, 99400 Eanodat) ja dan lassin Meahciráđđehusa www.eraluvat.fi – siidduin.
Áššebáhpára oaidninláhkái ásaheamis almmuhuvvo Virggálaš bláđis ja dan lassin čuovvovaš aviissain: Helsingin Sanomat, Lapin Kansa, Kaleva, Kainuun Sanomat, Maaseudun Tulevaisuus ja Hufvudstadsbladet.
Mearrádusaide sáhttá ohcat nuppástusa váidalemiin Davvi-Suoma hálddahusriektái 30 beaivve siste mearrádusaid diehtunoažžumis. Dárkilut rávvagat nuppástusohcamis leat váidalanrávvagiin, mat leat mearrádusaid mielddusin.
Diehtunoažžun gehččojuvvo leat dáhpáhuvvan čihččet beaivve almmuhusa olggosaddimis 13.12.2019 Virggálaš áviissas, nuppiid sániiguin 20.12.2019. Váidalanáigi nohká 20.1.2020.
Vantaas juovlamánu 13. beaivve 2019
MEAHCIRÁĐĐEHUS
- Guollebivdu sámeguovllus 2020-2022 (PDF, 989 kt)
- Kalastus muualla Suomessa 2020-2022 (PDF, 4 Mt)
Anarâškielâ: Kulluuttâs: Meccihaldâttâs miärádâs kuálástemluuvijd kyeskee kuávlulijn tiätumeerijn 2020-2022 (www.eraluvat.fi)
Sääʹmǩiõʹlle: Kuultõs: Kueʹllšeellmõš sääʹmvuuʹdest 2020-2022 (www.eraluvat.fi)