Šlájaid ja luonddutiippaid suodjaleapmi

Meahciráđđehus vástida árvvolaš luonddutiippaid sihke ealli-, šaddo- ja guopparšlájaid suodjaleamis hálddustis lean stáhtaguovlluin. Čoaggit dieđu, čuovvut nuppástusaid ja dárbbu mielde dikšut guovlluid, vai šlájaid ja luonddutiippaid máŋggahámatvuođa seailuma sáhtašii dorvvastit. Meahciráđđehusa Luonddubálvalusat vástida šlájaid ja luonddutiippaid suodjaleamis stáhta suodjalanguovlluin ja suodjaleapmái várrejuvvon čuozáhagain sihke dahká inventeremiid ja luonddudikšuma maiddái priváhta luonddusuodjalanguovlluin ovttasbarggus eanaoamasteaddjiiguin. Meahciráđđehus Vuovdedoallu Os vástida doaibmaoppalašvuođas stáhta lotnolasgeavahanvuvddiid.

Meahciráđđehusa ovddasvástádus EU:a luoddu- ja loddedirektiivvaid ja šlájaid oiddolaš suodjalandási seailumis Suomas lea stuoris, go riikamet Natura 2000 -fierpmádaga guovlluin stuorámus oassi lea stáhta eatnamiin.

Dieđut Suoma suodjalanguovlluid eallinbirrasiin ja šlájain vurkejuvvojit ULJAS-báikediehtovuogádahkii, mii šaddá máŋgga oassevuogádagas. Ovdamearkan suodjalanguovlluid govusdiehtovuogádat SAKTI sisttisdoallá dieđuid eallinbirrasiid iešvuođain ja dainna gárvvistuvvojit doaibmabidjoplánat eallinbirrasiid  dili buorideapmin. LajiGIS-vuogádahkii vurkejuvvojit buot suodjalanguovlluid ja lotnolasgeavahanvuvddiid šládjadieđut. Meahciráđđehusa Luonddubálvalusat oamasta ULJAS-vuogádaga, muhto maiddái earát birashálddahusa bargit ávkkástallet dan. Meahciráđđehus Vuovdedoallu Os geavaha šaddanbáikedieđuid hálddašeamis SILVIA-vuogádaga.

Lassedieđut