Šlájaid ja luonddutiippaid suodjaleapmi

Meahciráđđehus vástida árvvolaš luonddutiippaid sihke ealli-, šaddo- ja guopparšlájaid suodjaleamis stáhta guovlluin maid dat hálddaša. Čoaggit dieđuid, čuovvut nuppástusaid ja dárbbu mielde dikšut guovlluid, vai šlájaid ja luonddutiippaid máŋggahámatvuođa seailuma sáhtašii dorvvastit. Meahciráđđehusa Luonddubálvalusat vástida šlájaid ja luonddutiippaid suodjaleamis stáhta suodjalanguovlluin ja suodjaleapmái várrejuvvon čuozáhagain sihke dahká inventerema ja luonddudikšuma maiddái priváhta luonddusuodjalanguovlluin ovttasbarggus eanaoamasteaddjiiguin. Meahciráđđehusa Vuovdedoallu Os vástida doaibmaoppalašvuođas stáhta lotnolasgeavahanvuvddiin. 

Meahciráđđehusa ovddasvástádus EU:a luonddu- ja loddedirektiivva luonddutiippaid ja šlájaid suodjalandási seailumis Suomas lea stuoris, go riikamet Natura 2000 -fierpmádaga guovlluin stuorámus oassi lea stáhta eatnamiin. 

Dieđut Suoma suodjalanguovlluid eallinbirrasiin ja šlájain vurkejuvvojit ULJAS-báikediehtovuogádahkii, mii čoahkkana máŋgga oassevuogádagas. Ovdamearkan suodjalanguovlluid govusdiehtovuogádat SAKTI sisttisdoallá dieđuid eallinbirrasiid iešvuođain ja dan vehkiin gárvvistat doaibmabidjoplána eallinbirrasiid dili buorideapmi. LajiGis-vuogádahkii vurkejuvvojit buot suodjalanguovlluid ja lotnolasgeavahanvuvddiid šládjadieđut. Meahciráđđehusa Luonddubálvalusat oamasta ULJAS-vuogádaga, ja maiddái earát birashálddahusa bargit sáhttet ávkkástallat dan. Meahciráđđehusa Vuovdedoallu Os geavaha  šaddobáikedieđuid hálddašeamis SILVIA-vuogádaga.