Jahki 2022 buvttii Supmii 41. álbmotmeahci. Sallai vurdet olu galledeaddjiid álbmotmeahccestáhtusa, buoriduvvon vánddardanvejolašvuođaid ja lassánan vánddardanberoštumi mielde. Suoma nuoramus álbmotmeahci agivuvddiinis, badjosiinnis ja šerresčázát ládduinis geasuha turisttaid gávdnanmátkái lundui.
Salla álbmotmeahci rahpandoaluid ávvudat ovdal mihcamáraid. Sávvat buori dálkki, go ávvodoalut leat olgun Salla luondduguovddáža ja Salla Wilderness Park (Ovdd. Poropuisto). Dáhpáhus lea rabas buohkaide ja buđaldeapmi lea buotahkásaččaide. Dárkilut áigi almmustahtto maŋŋeleappos.
Álbmotmeahci luonddus leat boares, meahccelágan agivuovddit, mat fállet buriid eallindiliid álbmotmeahci dovddaldatšládjii čukčái. Čukčá lea Anna Pakkanen plánen álbmotmeahci dovddaldaga ovddabealde.
Salla álbmotmeahcis leat gokčevaččat máđijat, maid mielde beassá eatnatlohkosaš luondduoaidnámušaid lusa. Kolmiloukkonen šerres láttu lea váikkuheaddji lagaštuvrabáiki. Muorrajeakkit leat mosaihkkalaš Kaunisharju ravddas, gos lea geassit easttahis luondduihtagiid áicanbáiki. Iso Pyhätunturi alde leahkkasit fiinna oidnosat viidát duottareanadahkii birrasis, Ruošša ja boares Salladuoddariid guvlui. Vehá čiekŋaleappos álbmotmeahci boares vuvddiin gávdno Pahaojankuru.
Álbmotmeahci luonddus sáhttá návddašit birra jagi ovdamearkan vácci dahje vaikke muohtagápmagiiguin.
Máđijat ja vuoiŋŋastanbáikkit álbmotmeahccedássái
Álbmotmeahci guovllus lea jo gokčevaš máđidjafierpmádat ja máŋggat vuoiŋŋastanbáikkit. Álbmotmeahci ja dan lagašguovllu máđijaid ja bálvalanráhkadusaid ovddidit maiddái boahttevuođas. Bálvalanráhkadusaid ordnemiin ráhkkanat lassáneaddji galledeaddjimeriide.
– Álbmotmeahci vuoiŋŋastanbáikkit gáibidit ordnema. Máđijaid ordnenbarggut álget lagašmáđijain. Vánddardanráhkadusaid háliidat hámi beales ođđaáigásaččaid, mii addá fiinna kontrásta čuđiid jagiid boares vuvddiide. Joatkkaplánaide gullá maiddái ođđa ávdinstobu huksen. Álbmotmeahci olles áigge bajásdoallan ja ovddideapmi gáibida maiddái bissovaš ruhtadeami bajádusa, álbmotmeahccehoavda Hely Juntunen muitala.
Áššehasgulahallan lea lasihuvvon Salla Wilderness Park ráhkadusas guovvamánus rahppojuvvon luondduguovddáža ja áššehasbálvalanbáikki mielde. Meahciráđđehus ođasmahttá luondduguovddážis lean čájáhusa báráige. Salla álbmotmeahcci bukto ovdan Lundui.fi -vánddardanbálvalusas ja álbmotmeahcis leat iežas Facebook-siiddut.
Vuođđodieđut Salla álbmotmeahcis:
- Láhka ođđa Salla álbmotmeahcis bođii fápmui 1.1.2022.
- Salla álbmotmeahcci lea riikamet 12. stuorámus álbmotmeahcci, masa gullet sulaid 9 983 hektára stáhta oamastan eana- ja čáhceguovllut.
- Guovlu leamašan suodjaluvvon jagi 2017 rájes Salladuoddara luonddusuodjalanguovlun.
- Álbmotmeahci guovlu ollá Ruošša rádjái ja dahká ná oktavuođa maiddái Ruošša beale suodjalanguovlluide, dego Kutsa luonddumeahccái.
- Salla álbmotmeahcci (suomagillii): luontoon.fi/salla