Almmustahtton 29.3.2022

Meahciráđđehussii ođđa stivra

Stáhtaráđđi lea odne 24.3.2022 nammadan Meahciráđđehussii ođđa stivra čuovvovaš golmmajagiáigodahkii (1.4.2022-31.3.2025).

Stivra čoakkádus lea čuovvovaš:
Sátnejođiheaddji: Beaivválaš jođiheaddji Päivi Huotari, Eanadoallofitnodatdoalliid ealáhatlágádus MELA
Várresátnejođiheaddji: Ráđđádalli virgeolmmoš Sanna Paanukoski, Eana- ja meahccedoalloministeriija

Lahtut:

Doseanta Tanja Joona, Lappi universiteahtta
Dieđiheaddji Keijo Kallunki, Meahciráđđehus
Ekonomiija-, ovddidan-, IT- ja HR-hoavda Jussi Saukkonen, Isku-Yhtymä Oy
Beavválaš jođiheaddji Tuija Suur-Hamari, Wipak Oy
Riikkaidgaskasaš áššiid hoavda Ismo Tiainen, Birasministeriija
Professor Roope Uusitalo, Helsset universiteahtta

Nammaduvvon lahtuin Saukkonen leamašan Meahciráđđehusa stivrras jagi 2019 rájes, Paanukoski ja Tiainen jagis 2020. Earát leat ođđa lahtut.

Stivra doaibmá fidnolágádusa alimus mearrideaddji orgánan, mii láide ja bearráigeahččá Meahciráđđehusa doaimma. Stivra fuolaha maiddái Meahciráđđehusa strategalaš jođiheamis, hálddahusas ja doaimma áššáigullevaš ordnemis. Meahciráđđehus lea eana- ja meahccedoalloministeriija stivrema vuolde ja dan hálddahussuorggis doaibman stáhta fidnolágádus. Meahciráđđehusa doaibman lea ávkkástallat, dikšut ja suodjalit hálddustis lean stáhta eana- ja čáhceopmodaga suvdilis vugiin. Birasministeriija stivre Meahciráđđehusa almmolaš hálddahusdoaimmaid oasil iežas doaibmasuorggistis.

Lassedieđut eana- ja meahccedoalloministeriijas
kansliijaoaivámuš Jaana Husu-Kallio, t. 0400 291 910