Meahciráđđehusa Luonddubálvalusat gilvalahttá dan dikšon vánddardančuozáhagaid boaldinmuorrafuolahusaid, bázahusfuolahusaid ja bajásdoallanfuolahusaid oktiibuot 19 guvlui. Vuosttamuš gilvalahttin álgá geassemánu álggus ja nubbi borgemánus.
Geassit gilvalahttit guovtte earis 19 Meahciráđđehusa Luonddubálvalusaid dikšon guovllu boaldinmuorra-, bázahus-, ja bajásdoallanfuolahusaid. Guovllut leat eará sajiin Suomas Gilbbesjávrri ja Suolodatmeara gaskkas. Gilvalahttin dahkkojuvvo oasseguovlluid mielde nu, ahte fálaldaga sáhttá guođđit válljejuvvon guovlluide, goas dahkat vejolažžan maiddái smávva doaibmiid oassálastima.
Geassemánu álggus almmolaš háhkamiid Hilma-almmuhankanálas almmustahttojuvvo gilvalahttinalmmuhus Riisitunturi álbmotmeahci, Korouoma suodjalanguovllu ja Livojoki–Livojärvi–Kitkajärvi–guovlluid fuolahusaid dahkamis. Guovllut leat Posios Lappis ja Pudasjärvis Davvebađaeatnamis.
Borgemánus Hilmas álgá viiddit fuolahusaid gilvalahttin. Lappis leat mielde 11 eará sturrosaš guovllu Roavvenjárggas Giehtaruohttasii sihke Anárii ja davvin ja Suovvaguikii nuortin. Mielde leat guovllut maiddái Davvi-Gárjilis, Mátta-Savos, Gaska-Suomas ja Suolodatmearas. Dárkilut dieđut guovlluid birra dieđáhusa loahpas.
Háhkamat gallededdjiid ja luonddu várás
Luonddus lihkadeami bivnnuhisvuohta lea lassánan juohke jagi. Dušše beare álbmotmehciin galledeamit ledje meastá 4 miljovnna. Daid ja earáid Meahciráđđehusa dikšon luonddučuozáhagaid fuolahusas ain stuorát oassi ostojuvvo vásttolaš soahpamušguimmiin.
Soahpamušguoimmit dahket ovttas Meahciráđđehusain mearkkašahtti barggu servodaga ja luonddu buorrin.
Háhkamat dahkkojuvvojit čuozáhagaid geavaheddjiid várás. Luonddus lihkadeapmi váikkuha dutkamušaid mielde positiivvalaččat olbmuid dearvvašvuhtii ja buresveadjimii. Fuolahusbálvalusaid kvalitehtas leage stuorra mearkkašupmi gallededdjiid luondduvásáhussii, muhto maiddái guovllu lundui.
Mii atnit árvvus soahpamušguimmiin birasperspektiivvaid vuhtii váldima, vásttolašvuođa, luohtehahttivuođa, doaimmahussihkkarvuođa ja alla kvalitehta. Mii sávvat soahpamušguimmiin maiddái buorre ovttasbargonávcca, áššehasgeahččančiega, rabasvuođa ja dáiddu bargat maiddái hástaleaddji luonddudiliin.
Guovllut mat leat mielde gilvalahttimiin:
Geassemánnu
- Korouoma ja Kiekkikaira (Posio)
- Riisitunturi (Posio)
- Livojoki–Livojärvi–Kitkajärvi (Pudasjärvi ja Posio)
Borgemánnu
- Giehtaruohtas davvi (Eanodat)
- Giehtaruohtas mátta (Eanodat)
- Heahttá–Njunnás–Bievrrasjávri (Eanodat)
- Bállás–Bállásjávri–Muoná (Eanodat ja Muoná)
- Gihttel–Kolari
- Leammi álbmotmeahcci (Anár)
- Avviljohka (Anár)
- UKK-párka Giemasuorri (Suovvaguoika)
- Giemasuori meahcceguovlu – Davvi-Nuortti (Suovvaguoika)
- Suovvaguoikka vánddardančuozáhagat (Suovvaguoika)
- Meltausjoki (Roavvenjárga)
- Ruunaa vánddardanguovlu (Lieksa)
- Linnansaari–Kolovesi–Savonlinna (Savonlinna, Heinävesi, Rantasalmi, Enonkoski)
- Pyhä-Häkki álbmotmeahcci (Saarijärvi)
- Suolodatmeara álbmotmeahcci (Parainen – Kemiönsaari)
Háhkamis dieđihuvvo almmolaš háhkamiid Hilma-almmuhankanálas: hankintailmoitukset.fi (suomagillii).
Lassedieđut
Háhkanáššedovdi Olli Vainio, telefon 0400 925074, olli.vainio@metsa.fi