Almmustahtton 27.12.2022

Meahccesihkkelastit ja vázzit seammá johtolagain boktet dovdduid Bállás–Ylläsduoddara álbmotmeahcis – vel gearggat oassálastit álbmotmeahci ovddideami guoskevaš jearahallamii

Meahciráđđehusa Luonddubálvalusat lea ožžon dán rádjai sulaid 180 vástádusa jearahallamii, mii čoaggá oaiviliid Bállás–Ylläsduoddara álbmotmeahci dikšumis ja geavaheamis čuovvovaš logi jagi áigge. Eandalii meahccesihkkeljohtolagaid ovddideapmi juohká vástideaddjiid oaiviliid: oassi sávvá álbmotmeahccái lasi dušše meahccesihkkeliidda oaivvilduvvon johtolagaid, oasi mielde sihkkelastin lea jo dál menddo olu ovddideami guovddážis. Vástádusain badjána maiddái fuolla luonddu gollamis, jus álbmotmeahci galledeaddjimearri lassána.

Mo Bállás–Ylläsduoddara álbmotmeahcci galggašii boahttevaš logi jagi áigge ovdánit, jearahallamii sáhttá ain vástidit 2.1. rádjai: https://new.maptionnaire.com/q/2eb6inp8wb48 (suomagillii).

Jearahallan lea rabas buohkaide, geat háliidit oassálastit Bállás-Ylläsduoddara álbmotmeahci ovddideapmái. Luonddubálvalusat sávvá jearahallamii vástádusaid guovllus galledan vánddardeaddjiin, báikkálaš olbmuin, fitnodatdoalliin ja fitnodagain go maiddái earálágan organisašuvnnain.

Dán rádjai okta olu vástideaddjiin dovdduid boktán temá lea meahccesihkkelastin. Vástideaddjit sávvet sihke sierra meahccesihkkeljohtolagaid, leat fuolas meahccesihkkelastima mielddisbuktán eatnama gollamis ja oasi mielas vázzit ja sihkkelastit heivejit bures seammá johtolahkii.

Dálge meahccesihkkelastin lea lobálaš dušše álbmotmeahci virggálaš merkejuvvon geassejohtolagain.

– Bálgás spiehkkaseapmi sihkkeliin lea geassit gildojuvvon dálge, mihttomearrin lea namalassii eastit eatnama gollama. Dálvebálgát leat dahkkon oktasaš atnui, bálgáide leat bures boahtán sihkkelastit, vázzit, muohtagápmagiin johttit ja beatnagiin johttit. Earáid galgá váldit vuhtii ja johtileappot garvet álo njoazit johttiid, álbmotmeahccehoavda Pekka Sulkava Meahciráđđehusa Luonddubálvalusain muittuha.

Turismma lassáneapmi boktá fuola dikšun- ja geavahanplána gárvvisteapmái oassálastiide

Álbmotmeahcit leat luonddusuodjalanguovllut, maid Meahciráđđehusa Luonddubálvalusat dikšu ja ovddida.

Bállás-Ylläsduoddara álbmotmeahci boahttevuođaplánemii dán rádjai oassálastit leat fuolas galledeaddjimeari lassáneamis ja lassáneami váikkuhusas guovllu lundui. Dál Bállás-Ylläsduottar lea galledeaddjimeari dáfus Suoma bivnnuheamos álbmotmeahcci.

– Máŋggat vástideaddjit eai hálit rievdadit maidige. Ráfálašvuohta lea ášši, maid máŋggat ohcet álbmotmeahcis. Dikšun- ja geavahanplánas linnjet, mat álbmotmeahci guovllut suodjaluvvojit eandalii dárkilit ja mat guovllut leat dakkárat, masa dahkat johtolagaid suvdileappo ja stivret olbmuid. Dál lea vejolašvuohta váikkuhit , Sulkava dadjá.

Bajideamit Luonddubálvalusaid ožžon Bállás-Ylläsduoddara álbmotmeahci ovddideapmái laktásan máhcahagas:

”Kritihkalaš vihkkehallamii dat, man olu buohkanassii háliidat vel mássaturismma lasihit álbmotmeahci siste, vai galggašiigo sidjiide čujuhuvvon johtolagaid ráhkadit lassáneami vugiin álbmotmehciid olggobeallái. Čáppa luonduhan lea valjit čuoiganguovddážiid lahkasiin maiddái álbmotmehciid olggobealde.”

”Buot galledeaddjit eai hálddaš vánddardanetikeahta. Danin dárbbašat láidesteami ovdamearkan, ruskkain, dolastallamis ja johtolagain lihkadeamis ja garvimis.”

”Álbmotmeahci galggašii ovddidit lagamustá luondduárvvuid jođihemiin. Dál maiddái orrot jo leamen juobe liiggás geavaheaddjit.”

”Johtolagat leat viehka olu. Dat vehá váttásmahttá boazodoalu. Bohccot levvet viidásut guvlui, go dat johtet johtolagaid mielde, lassin johtolagain johttit heađuštit daid. Mu mielas vázzit ja sihkkelasti heivejit seammá johtolagaide. Dálvejohtolagat sáhttet leat maiddái čuoiganláhtuid bálddas. Livččii buorre, ahte johtolagat eai livčče áibbas juohke sadjái, vai bážážii nu gohčoduvvon guoskkakeahtes luondu, gos ovdamearkan bohccot sáhtašedje guohtut almmá hehttehusaid.”

Lassedieđut:

Bállás-Ylläsduoddara álbmotmeahci dikšuma ja geavaheami plánen

Árabut áššis:

Luonddubálvalusaid dieđáhus 7.11. Gosa Bállás-Ylläsduoddara álbmotmeahcis hukset boahttevuođas vánddardanjohtolagaid, mat guovllut suodjaluvvojit dárkilit – oassálastte jearahallamii ja váikkut

Media oktavuođaváldimat:

Álbmotmeahccehoavda Pekka Sulkava, t. 0400 815 660

Šleađgapoasta hámis: ovdanamma.sohkanamma@metsa.fi