Almmustahtton 15.9.2022

Boazobáikkis diehtu vuovdeplánema doarjjan

Meahciráđđehusa Poropaikka (Boazobáiki) –vuolášvuogádat fállá oassálasti plánenproseassa, mii doarju ollašuhttima ja lađastahtti vuogi kártamateriála ja eará vuovdedoalu doaibmaplánemii laktásan dieđu gaskkusteapmái, guorahallamii ja kommenteremii Meahciráđđehusa ja bálgosiid gaskkas. Heivehus lea bukton ovdan Meahciráđđehus Vuovdedoallu Os bargovehkii ja bálgosiid ovddasteaddjiide čakčamánu álggus geavaheaddjiskuvlendilálašvuođain sierra guovlluin Lappis.

Silvia-vuovdediehtovuogádaga ávkkástallan Poropaikka-vuolášvuogádaga vehkiin doaimmahit boazoisidiidda dieđuid boazodoalloguovllus stáhta lotnolasgeavahanvuvddiide plánejuvvon doaibmabijuin, čohkket sis kommeanttaid plánejuvvon standardiserejuvvon hámis ja čoaggit boazodoalloguvlui laktásan áigeguovdilis báikedieđu vurkejuvvot Meahciráđđehus Vuovdedoallu Os vuovdebáikediehtovuogádahkii.

Prošeakta addá vejolašvuođa maiddái ovttasbargosoahpamuša beaivádeapmái vai dat dávista Meahciráđđehus Vuovdedoallu Os muorarádjama ja vuvddiid dikšuma doaimmaid doaimmastivrenvuogádaga. Prošeavttain čielggasmahttit plánejeaddjiid, bargojoavkoovdaolbmuid, rádjanovdaolbmuid ja vuovdedikšunovdaolbmuid barggu boazodoalu vuhtii váldimis. Árabut Meahciráđđehus doaimmahii boahttevaš doaimmain kárttaid oktan čilgehusaiguin šleađgapoastta mielddusin, iige sáddejuvvon materiálaid leat dássážii sáhttán arkiveret ovttalágán vugiin.

Heivehus mainna dorvvastit boazodoalu doaibmaeavttuid ja doarjut vuovdedoalu oktiiheivehanmihttomeriid fáhtema

Poropaikka doarju ja beavttálmahttá Meahciráđđehusa oassálasti plánema proseassa geavatlaš ollašuhttima ja buorida das buvttaduvvon dieđu šlája. Prošeavtta oktavuođas vuovdeplánema doarjjan čoaggima várás lean diehtu álkidahttá konkrehtalaččat boazodoalu dárbbuid vuhtii váldima geavatlaš plánenbarggus ja dorvvasta bealistis boazodoalu doaibmaeavttuid stáhta lotnolasgeavahanvuvddiin.  

 Boazoisidat sáhttet kommenteret sin vuostáiváldán plánaid bálgosiiddiset guovlluide evttohuvvon vuovdedoalu doaimmain. Lassin boazodoalu guoskevaš báikedieđu sáhttá bajásdoallat čohkkejuvvon ja gokčevaš vuogi mielde vuovdediehtovuogádagas, mii lea jo sajis.

Pilohtabálgosiin doaibman Bálojávrri ja Giema-Soabbáda bálgosat leat ávkkástallan heivehusa geassemánu rájes. Čakčamánu álggus ordnejuvvon dilálašvuođaid mielde ávkkástallan viidu dál maiddái eará bálgosiidda. Bálvalančovdosa ávkkástallanguovlu lea olles davimus Suoma boazodoalloguovlu.

Lassedieđuid addá Meahciráđđehus Vuovdedoallu Os plánenoaivámuš Kalle Eerikäinen, kalle.eerikainen@metsa.fi, t. 0406103367 ja diehtovuogádatoaivámuš Hanna Soinne, hanna.soinne@metsa.fi, t. 0405301592

Heivehus ovdanbuktojuvvui Meahciráđđehus Vuovdedoallu Os bargovehkii ja bálgosiid ovddasteaddjiide čakčámánu álggus ordnejuvvon geavaheaddjiskuvlendilálašvuođain sierra guovlluin Lappis. Govva: Hanna Soinne