Vuovdedoallu sámeguovllus

Sámeguovlluin oaivvilduvvo golbma Suoma davimus gieldda: Anára, Ohcejoga, Eanodaga ja Lappi bálgosa guovllu Soađegili gielddas. Dušše ovcci proseantta dán guovllu olles areálas lea vuovdedoalu geavahusas. Guovllus giddejuvvo earenoamážit fuomášupmi vuovde- ja boazodoalu oktiiheiveheapmi.

Báikkálašvuohta lea dehálaš árvu Meahciráđđehusa vuovdedoalu doaimmain sámeguovllus. Buoremus dáhpáhusas báikkálaš gieđahalakeahtesmateriálas válmmaštuvvo báikkálaš bargofámuin buktagat, mat dollet badjin ja dorjot báikkálaš gárggiideami.

Meahciráđđehus viggá buoridit doaimmainis sosiála-kultuvrralaš suvdilisvuođa. Báikkálaš kultuvrra vuođđovuolggasadjin lea, ahte guhtesge lea vuoigatvuohta eallit ja juoba bargat iežas ruovttuguovllus. Vuovde- ja muorradoallu barggahit ovdamearkka dihte Anára gielddas lihka ollu go boazodoallu. Vuovdedoalus lea dehálaš rolla sámeguovllu ássama doalaheamis ja dat láhčá vejolašvuođaid maiddái buresbirgejeaddji turismaealáhussii, mii lea guovllu stuorámus barggaheaddji.