Šlájaid ja luonddutiippaid suodjaleapmi stáhta guovlluin

Meahciráđđehus vástida divrras luonddutiippaid sihke ealli- ja šaddošlájaid suodjaleamis, dikšumis ja čuovvumis stáhta eatnamiin, maid hálddaša.

Go stuorámus oassi riikamet Natura 2000 -fierpmádaga guovlluin leat stáhta eatnamiin, Meahciráđđehusa ovddasvástádus EU:a luonddu- ja loddedirektiivva luonddutiippaid ja šlájaid oiddolaš suodjalandási seailluheamis lea stuoris.

Čoaggit dieđuid, čuovvut nuppástusaid ja dárbbu mielde dikšut guovlluid, vai šlájaid dahje luonddutiippaid seailuma sáhtašii dorvvastit.

Luonddutiippaid suodjaleapmi

EU:a luonddudirektiivvas leat 69 divrras suopmelaš luonddutiippa, main 14 vuosttažettiin suodjaleami vuollásaččat. Divrras luonddutiippaid suodjaleapmin leat vuođđudan Natura 2000 -guovlluid.

Meahciráđđehus čoaggá dieđuid luonddutiippaid sajádagas ja ovddasteaddjivuođas ja gárgeha daid suodjaleami aktiivvalaš ovddežii dahkan ja luonddudikšundoaibmabijuiguin.

Šlájaid suodjaleapmi

Šlájaid dikšumis earenoamáš fuomášumi ožžot:

• áitatvuloš ja EU:a lodde- ja luonddudirektiivva suodjalan šlájat.
• suodjalanguovlluid olggobealde hárvenažžan dihtton šlájat.
• šlájat mat muosehuvvet álkit dahje mat leat čoagginvára vuolde.
• eará suodjaleami dáfus mearkkašahtti šlájat, maid nálli suodjalanguovlluin lea smávis ja mat leat áitojuvvon jávkat suodjalanguovlluin.

Meahciráđđehusa suodjalanvásttu vuollásaš áitatvuollásaš  šlájain lea diehtu iežas siidduin:

• njiččehasat ja lottit
• čielgerikkehis eallit ja guolit
• šattut ja guobbarat

Luonddudikšumiin ja ovddežii dahkamiin figgat dahkat šlájaide maiddái ođđa heivvolaš eallinbirrasiid.

Ekonomiijavuvddiid luonddudikšun váldá vuhtii hárvenaš ja áitatvuloš šlájaid eallingáibádusaid. Ekonomiijavuvddiin ja -čáziin lea mihttomearrin maiddái fuođđošlájaid ja guollenáliid, maidda čuohcá guolásteapmi, eallinfámolašvuohta.

Oassi áitatvuloš šlájain leat luonddusuodjalanásahusain meroštallojuvvon earenoamáš suodjaleami vuollásaš šládja. Dat gullet áitatvulošguorahallama luohkáide.

• earenoamáš áitatvuloš (CR)
• hui áitatvuloš (EN)
• vára vuolde (VU).

Dákkár earenoamáš suodjaleami vuollásaš šlája seailumii dehálaš dihttonsaji ii oaččo duššadit iige heajudit