Davvi-Suoma earenoamášgažaldagat

Sápmelaččat leat Eurohpá uniovnna áidna dovddahuvvon álgoálbmot. Suomas leat golbma sámegielajoavkku: davvisápmelaččat, anáraččat ja nuortalaččat. Meahciráđđehus ovddida iežas barggus ja gaskkusteamis sámegielaid seailluheami.

Sámit árbevirolaš ealáhusat leat boazodoallu, guolásteapmi, meahcásteapmi ja unna eanan- ja vuovdedoallu ja luonddubuktagiid čoaggin ja duodji. Daid mearkkašupmi lea ain dehálaš sámekultuvrra seailuma dihte, vaikke dalá sápmelaččat doibmetge viidát servodaga iešguđetge surggiiguin ja ealáhuseallimis.
Stáhta eatnamiid vuovdedoalus čuovvut bálgosiid  ráđđádallanvuogádagaid sámiid ruovttuguovllus seammalahkái go muđui boazodoalloguovllus. Dan lassin guovddáš vuovdedoalu mihtideami ja linjemiidda váikkuheaddji plánain ráđđádallo Sámedikkiin ja nuortalašguovllus Nuortalašráđiin.

Sámeguovllus vuovdedoalu prinsihpain lea sohppon ráđđádallamiin gaskkal  Meahciráđđehusa, Sámedikki ja Nuortalašráđi. Sámeguovllu bálgosiiguin lea dahkko sierra soahpamušat vuovdedoalloguovlluid geavaheamis ja deháleamos guohtuneatnamiid seailluheamis 20 jagi áigge vuovdedoallodoaimmaid olggobealde.

Eanangeavaheapmi sámiid ruovttuguovllus