Meahccejohtalus
Meahccejohtalusain dárkkuhuvvo mohtorfievrojohtalus meahcis. Meahcci lea eananguovlu, mas eai leat mohtorfievrruide dárkkuhuvvon luottat.
Suomas leat buohkanassii sulaid 17 000 kilomettara mohtorgielkávuodjinluotta 1500 kilomettara mohtorgielkávuodjinmáđija. Luodda ja máđidja spiehkasteaba das, ahte mohtorgielkáluottat leat eahpevirggálaš máđijat go fas mohtorgielkávuodjinmáđijat leat mohtorgielkájohtalussii oaivvilduvvon luoddajohtaluslágas meroštallojuvvon luottat.
Máđidjalobit
Meahciráđđehusa bajásdoallan mohtorgielkámáđijaid geavaheapmi meahcis gáibida čálalaš lobi. Mohtorgielkálobit stáhta eatnamiidda sáhttá lonistit Villi Pohjola -nettigávppis ja telefunvuovdimis sihke máŋggain olggobeale lohpevuovdinbáikkiin.
Guovlluguovdasaš meahccejohtalusa lohpedihtomearit
Meahciráđđehus lea dahkan mearrádusa guovlluguovdasaš meahccejohtaluslobiid dihtomeriin Meahciráđđehusa hálddašan stáhta eatnamiidda. Lobiid dihtomearit gusket sihke mohtorgielkásálahagaid olggobeale guovlluid ja mohtorgielkásálahagaid. Mearrádus lea addojuvvon Vantaas 23.6.2009 ja dat lea fámus 1.9.2009 – 31.12.2013. Mearrádussii oažžu ohcat nuppástusa nu ahte váidá Roavenjárgga hálddahusriektái. Váidinčujuhus ja dárkilit rávvagat leat mearrádusa čuovusin.
------------------------------------------------------------------------------------------
Meahciráđđehusa mearrádus mohtorgielkálobiid guovlluguovdasaš dihtomeriin lea fámus 1.10.2006 - 31.8.2009.
Mearrádus nr 3516/55/2006 guoská guovlluguovdasaš meahccejohtalusa lohpedihtomeriid mohtorgielkáluottaidolggobeale guovlluid hárrái ja lea vuoimmis 1.1.2007 - 31.12.2010.
------------------------------------------------------------------------------------------
Geaseáigge meahccejohtalus
Geaseáigge meahccejohtalus lea gáržžiduvvon hearkkes luonddu gollama dihte, daningo luottat vuhttojit jagiid, juobe logijagiid áigge. Váldonjuolggadusa mielde geaseáigge meahccejohtalus lea lobálaš dušše sierraákkaid geažil, ovdamearkkadihte Davvi-Sámis boazobarggu olis ja muhtin eará dárkkuhusaid dihte.