POVDIM: Nommâ tuáimá mušton pááikán – säämi päikkinoomah
Pyereestpuáttim 1.6.2010 tme 17:30 Anarân luándukuávdáš Siijdân kuldâliđ säämi päikkinoomâin sehe toi vuorkkim merhâšuumeest. Aanaarsämmilâš Uccpárnáá Vuoli Ilmar ađai Ilmari Mattus lii porgâm stuorrâ pargo nurâmáin säämi päikkinoomâid vuárhán. Tääl pargo lii ožžum luuhij kooskân já Itä-Inarin paikannimistö –kirje almostittoo. Tilálâšvuotâ lii rijjâ puohháid.
Sämitige saavâjođetteijee Juvá Leemit ađai Klemetti Näkkäläjärvi muštâl tilálâšvuođâst päikkinoomâi čuággim merhâšuumeest já Uccpárnáá Vuoli Ilmar jieijâs toohâm čielgiittâsâst. Čielgiittâsah láá toohum uássin Meccihaldâttâs suoijâlemkuávlui hoittám já kevttim vuávám.
Noomah čäittih maaŋgânáál pääihi luándu já kevttim sierânâsjiešvuođâid sehe ulmui koskâsvuođâ eellimpirrâsis. Säämi päikkinoomâin láá toohum ennuv suomâkielhammiittâsah, moh láá rievdâdâm algâalgâlii noomâ merhâšume. Ilmari Mattus lii toohâm merhâšittee pargo säämi päikkinoomâi tobdosin tohâmist já nomâlâssân algâalgâlij noomâi sajattuv maaccâtmân.
Almostittum kirjeest láá aldasáid 8000 nuorttâaanaarlâš päikkinommâd. Aanaar tobdosumoseh já motomeh Čevetjäävri kuávlu päikkinoomah láá neelji kielân: suomâkielân, aanaarsämikielân, nuorttâsämikielân já tavesämikielân.
Kirje lii almostittemtilálâšvuođâ maŋa vyebdimnáál Siijdâst. Kirje puáhtá luođiđ nuuvtá Meccihaldâttâs internetsiijđoin čujottâsâst www.metsa.fi/julkaisut > julkaisusarjat > Sarja A.
Pyereestpuáttim tilálâšvuotân!
Lasetiäđuh
Ilmari Mattus p. 045 323 6831
Spesiaalvuávájeijee Pirjo Rautiainen, Meccihaldâttâs p. 040 508 1373
Aalmuglášmeeci jođetteijee Pirjo Seurujärvi, Meccihaldâttâs, p. 0400 125 782