Eana- ja meahccedoalloministtar muvrii Meahciráđđehusa Roavvenjárgga doaibmadálu vuođđogeađggi
Almmustahtton 13.1.2010
Meahciráđđehusa Roavvenjárgga doaimmahat- ja čájáhusdálu vuođđogeađgi muvrrejuvvui ikte eana- ja meahccedoalloministtar Sirkka-Liisa Anttila jođihemiin. Pilke dállu huksejuvvo muoras ja Suopma sáhtašii leat muorrahuksema ovdavázzi.
"Muora válljen huksenmateriálan lea dehálaš maiddái dálkkádaga dáfus. Suomas galggašii ain eanet duvdit muorrahuksema. Murrabuktagiid geavaheamis ja muorrahuksema ovddideamis lea ekologalašvuođa, smávva ja gaskastuorra fitnodatdoaimma ja dássedettolaš guovlluovdáneami viŋkilis nana vuođđu", ministtar Sirkka-Liisa Anttila deattuhii ságastis,
Musea- ja dieđaguovddáš Arktikum báldii huksejuvvi vistti vuođustusaide muvrejuvvui giddejuvvon veaikebohcci, mii sisttisdoalai ee. vuođđogirji, ođđa šlánteráiddu, beazi siepmaniid sihke beaivvi aviissaid. Oaivehoavda Jyrki Kangas ja ministtar Sirkka-Liisa Anttila saháiga dilálašvuođas muorrahálggu, man bihttá maiddái biddjojuvvui veaikebohci sisa.
Pilke dállui bohtet bargosajit Meahciráđđehusa Roavvenjárgga bargovehkii sihke sadji Pilke čájáhussii, mii muitala vuvddiid gierdavaš geavaheamis ja dan buktagiin. Pilke čájáhus dievasmahttá Roavvenjárgga juo ovddežis viiddis čájáhus- ja museačoakkáldaga ja lasiha gávpoga geasuheaddjivuođa.
Ministtar Anttila mielas Pilke čájáhusas geahččanguovlu lea boahttevuohta historjjá sajis. Namalassii suopmelaš vuvddiid ođđaáigge ja máŋggabealat atnui sihke vuovdeindustriija buktagiidda ja innovašuvnnaide. Dieđaguovddáža sulastahtti čájáhusa dehálaš čuozáhatjoavku leat mánát ja dát váldo vuhtii čájáhusa doaimmalašvuođas ja aktiivvalašvuođas. Gárvvásmuvadettiin Pilke lea báiki, gos dávviriidda oažžu guoskat.
"Vuvddiin leat máŋga anu. Vuovdi ii goittotge birge iehčanassan, muhto dárbbašat vuovdesuorggi ámmátolbmuid ja čehpiid. Sii fas dárbbašit otnábeaivve doaibmasajiid. Sávan buori huksenfidnu", ministter Anttila loahpahii ávvusártnis.
Vuođđogeađggi muvrema dilálašvuhtii oassalaste lagabuid 150 bovdejuvvon guossi, huksejeaddji ja Meahciráđđehusa bargi.
Lassidieđut: oktavuohtaoaivámuš Kristiina Vuopala, Meahciráđđehus, tel. 040 729 8819.