BOVDEHUS: Namma lea báikki muitu – sápmelaš báikenamat
Almmustahtton 26.5.2010
Buresboahtin 1.6.2010 dmu 17:30 Anárii luondduguovddáš Siidii guldalit sápmelaš báikenamaid sihke daid vurkema mearkkašumis. Anárlaš Ilmari Mattus lea čađahan viiddis barggu go lea čohkken sápmelaš báikenamaid rádjui. Dál bargu lea ožžojuvvon bearpmaid gaskii ja Nuorta-Anára báikenamat -duodji almmustahttojuvvo. Dilálašvuohta lea buohkaide rabas.
Sámedikki sátnejođiheaddji Klemetti Näkkäläjärvi muitala dilálašvuođas báikenamaid čoaggima ávkkis ja Ilmari Mattus fas čielggadusain, maid son lea dahkan. Čielggadusaid dahkan gullá oassin Meahciráđđehusa suodjalanguovlluid dikšuma ja geavaheami plánema.
Namat muitalit máŋgga láhkai luonddu ja geavaheami sierraiešvuođain sihke olbmuid ja sin eallinbirrasa gaskavuođain. Sápmelaš báikenamain leat dahkan olu sulastahtti suomagiel jorgalusaid, mat leat rievdadan vuođđoálgosaš nama mearkkašumi. Ilmari Mattus lea dahkan stuorra barggu sápmelaš namaid dovddusin dahkama ovdii sihke eandalii vuođđoálgosaš namaid sajádaga máhcaheami várás.
Dán duojis, mii dál almmustahttojuvvo, leat lagabui 8000 nuortaanárlaš báikenama. Anára dovdoseamos báikenamat ja muhtumat Čeavetjávrri guovllu báikenamat leat duojis njealji gillii: suomagillii, anárašgillii, nuortalašgillii sihke davvisámegillii.
Dán prentosa lea almmustahttindilálašvuođa maŋŋá vejolaš oastit Siiddas. Prentosa sáhttá maiddái viežžat nuvttá Meahciráđđehusa fierbmebálvalusas www.metsa.fi/julkaisut > julkaisusarjat > Sarja A.
Buresboahtin dilálašvuhtii!
Lassidieđut
Ilmari Mattus t. 045 323 6831
Spesiálplánejeaddji Pirjo Rautiainen, Meahciráđđehus t. 040 508 1373
Álbmotmeahccehoavda Pirjo Seurujärvi, Meahciráđđehus, t. 0400 125 782