30 anárlaš nuora meahccegilvinbargguin
Almmustahtton 8.6.2010
Meahciráđđehusa meahccegilvinbarggut addet anárlaš nuoraide geassebarggu moatti vahkkui. Vesáid gilvet njealji sierra guovllus Anára gielddas.
Meahciráđđehusa vesáid gilvimat álge dán vahkus ja joatkašuvvet moadde vahku.
- Oktiibuot gilvinláhkai leat 250 000 vesá ja geahččalit geargat gilvinbargguin ovdal mihcamáraid. Gilvimat leat vuolgán johtui bures vaikke dálki lea leamašan viehka čoaskkis, nuorain lea buorre bargomokta, lohká Meahciráđđehusa plánejeaddji Pauli Tuovinen, gean ovddasvástádussan leat Davvi-Sámi meahccedikšunbarggut.
Njealji báikkis Anára gielddas
Dán geasi vesáid gilvimat leat Anáris Čovčjuuha (Čakčajoga) guoras, Njellima lahka Čaarmânjargâ Peskiluohtas ja Kondosjävri geaidnoguoras sihke Guhtturis Kalaoja (Guolleája) guoras.
Oktiibuot vesáid leat gilvimin sullii 30 anárlaš nuora, skuvllalačča ja stuđeantta.
Oppa Suomas gilvet 22,5 miljon vesá
Meahciráđđehusa meahccegilvinguovlluide gilvet dán geasi 22,5 meahccemuora vesá. Vesáin 65 % leat beahcevesát ja loahppa 35 % guossavesát. Stuorámus oasis Suoma vesáid leat gilvigoahtán juo miessemánu loahpas ja Davimus Sámis gilvimiid álggahit badjelaš vahku maŋŋelis.
Lassidieđut:
Plánejeaddji Pauli Tuovinen, Meahciráđđehus, tel. 0400 157 648