Politihkka stivre min oktasaš dahkama

Vásttolašvuođapolitihkas meroštallat Meahciráđđehusa vástosurggiid ja ovttadagaid oktasaš dahkama surggiid, lavtta strategiijai ja dan ollašuhttimii, váldomihttomearit, guovddáš prinsihpat ja deaddočuokkesguovllut, váldorollat ja ovddasvástádusat ja raporterenmeannudeamit.

Vásttolašvuođapolitihkka

Vásttolašvuođapolitihkka lea beaiváduvvon oassin vásttolašvuođaprográmmas ja dat dohkkehuvvui Meahciráđđehusa stivrras jagi 2023.

Váldomihttomearit

Vásttolašvuohta lea oassi buot min doaimmain. Dat lea integrerejuvvon Meahciráđđehusa strategiijai sihke jođiheapmái ja ovddideapmái.

Vásttolašvuohta oaivvilda mis ulbmillaš dahkama ja ovddideami ovttas eanet vásttolaš, suvdilit, dásseárvvolut ja ovttaveardáseabbo boahttevuođa beales. Figgat doaimmasteamet heivehit vásttolaččat ja suvdilit oktii stáhta eana- ja čáhceguovlluide guoskevaš ekologalaš, kultuvrralaš, sosiála ja ekonomalaš geavahandárbbuid.

Doaibmat vásttolaš organisašuvdnan ja váldit vuhtii doaibmamet váikkuhusaid buot sajiide, gosa dat ollet. Leat aktiivvalaš servodatlaš váikkuheaddji ja ovddidat vásttolaš doaimma ovttas áššehasaiguin, guimmiiguin ja čanusjoavkkuin olles min árvogollosis.

Vásttolašvuođabargomet mihttomearrin lea dahkat árvvu lundui, olbmuide ja servodahkii badjel sohkabuolvvaid.

Guovddáš prinsihpat

Doaibmamet vuođđuduvvá riikkaidgaskasaččat dovddastuvvon vásttolašvuođa rávvagiidda ja prinsihpaide, dego ON:id Suvdilis ovdáneami doaibmaprográmma doaibmaprográmmii (Agenda 2030) ja ON:id fitnodagaid ja olmmošvuoigatvuođaide guoskevaš láidesteaddji prinsihpaide. Figgat doaimmaineamet sihke ovddidit prinsihpaid ollašuhttima ja geahpedit daidda čuohcán negatiivvalaš váikkuhusaid.

Meahciráđđehusa vásttolašvuođabarggu stivrejit vásttolašvuođapolitihkka, vásttolašvuođaprográmma ja doaibmavuohkeráva, main leat govvidan guovddáš vásttolašvuođa prinsihpaid, vásttuid, rávvagiid, mihttomeriid ja doaibmabijuid. Vásttolašvuođapolitihkasteamet linnjet maiddái birasáššiide ja olmmošvuoigatvuođaide laktásan prinsihpain.

Earuhat vásttolašvuođa dáfus deaŧalaš guovlluid min doaimmas ja daidda gullevaš riskkaid. maid hálddašat oassin riskkaidhálddašanvuogádagas. Bearráigeahččat vásttolašvuođa čuovvuma ja ollašuvvama ja álgit dárbbu mielde divvu doaibmabijuide.

Duvdit min čanusjoavkkuid váldit vuhtii ja ovddidit vásttolašvuođa minguin. Gáibidat min doaimmaheaddjiin čatnašumi doaibmavuohkerávvageamet eavttuide.

Vásttolašvuođabarggu deaddočuokkesguovllut

Meahciráđđehusa vásttolašvuođamihttomearit leat merkejuvvon vásttolašvuođaprográmmii. Min čanusjoavkkuin ožžojuvvon oainnuid vuođul buvttaduvvon mihtilmasvuođaanalysa dahká vásttolašvuođaprográmma ađđama.

Vásttolašvuođaprográmma sisttisdoallá njeallje deaddočuokkesguovllu, mat leat jođiheapmi, biras, olbmot ja servodat. Deaddočuokkesguovllut meroštallet vásttolašvuođabarggu ja sisttisdollet mihttomeriid, mat strategiija ja vásttolašvuođaprográmma bokte leat oassi juohke Meahciráđđehusas bargan olbmo barggus.

Buorre hálddašeapmi, gáibádusaid čuovvun ja vuohki doaibmat dahket oasi doaibmamet ehtalaš ja vásttolaš vuođu.

Jođiheapmi

Jođihat ja ovddidat vásttolašvuođa buoremus anus lean geavadagaid mielde ja sihkkarastit doaibmamet gáibádusaid čuovvuma ja ehtalašvuođa. Hukset luohttámuša rabas vuorrováikkuhusain ja ovddidat áššehasain vuolgán ja digitálalaš ovttasbarggu hámiid. Buoridat čanusjoavko- ja áššehasvásáhusa ja lohpidat viiddidit vásttolaš ja ehtalaš doaibmavugiid olles min árvogollosis.

Biras

Birasáššiid dikšun Meahciráđđehusas vuođđuduvvá sertifiserejuvvon ISO 14001 –birasvuogádahkii. Doaibmat joatkevaš buorideami vuođđojurdaga mielde plánaid vuođuin birrasa suodjaleapmin ja luondduváriid suvdilis ávkkástallama sihkkarastima ovdii. Váldit vuhtii dálkkádatváikkuhusaid, dálkkádatrievdamii vuogáiduvvama, luonddu máŋggahámatvuođa ja suvdilis ekonomiija sihke miehtemielalaš guovlluekonomalaš ja barggolašvuođaváikkuhusaid buot min doaimmaiguin.

Juohkehaš Meahciráđđehusas bargan olmmoš galgá váldit vuhtii birasáššiid beaivválaš barggustis ja doaibmat oktasaš birraseamet ovdii. Čuovvut doaimmasteamet várrugasvuođaprinsihpa birrasii váikkuhan doaibmabijuid buohta. Ovddidat birasustitlaš doaibmavugiid ja teknologiijaid ovddideami ja atnuiváldima. Lotnolasgeavahanvuvddiid ávkkástallama stivrejit lassin lágas mearriduvvon Meahciráđđehussii ásahuvvon servodatlaš geatnegasvuođat, vuovdesertifiseren ja vuovdedoalu birasofelaš. Suodjalanguovlluid dikšuma ja geavaheami stivrejit lágat ja ásahusat.

Árvvoštallat doaibmamet birasgeahččanbeliid ja –riskkaid jahkásaččat. Birasváikkuhusaid hálddašeapmin ja birasdikšuma joatkevaš buoridemiin mii gárvvistat olles Meahciráđđehusa gokčevaš strategalaš birasmihttomeriid, – rávvagiid ja čuovvunvugiid.

Olbmot

Gudnejahttit olmmoš- ja vuođđovuoigatvuođaid, mielde maiddái gielalaš vuoigatvuođat. Dovdat Meahciráđđehusa doaimma dálá dahje vejolaš váikkuhusaid olmmošvuoigatvuođaide. Hálddašat riskkaid sihke eastadat ja láivudat váikkuhusaid oassin riskkaidhálddašeamis ja birasáššiin.

Sihkkarastit vuoiggalaš ja dássebealát doaimma ja meannudeami bargoveagain, áššehasaiguin, guimmiiguin ja čanusjoavkkuiguin. Eat dohkket olggušteami, givssideami dahje heađušteami. Gáibidat vuođđo- ja olmmošvuoigatvuođaid gudnejahttima maiddái min skáhppon- ja soahpamušguimmiin doaibmavuohkerávvaga mielde.

Servodat

Máŋggalágan geavahandárbbuid ja sávaldagaid lihkostuvvan oktiiheiveheapmi ovttas čanusjoavkkuiguin dahká min doaimma vuođu. Buvttadat árvvu servodahkii go lasihat eanagottiid eallinfámu, dahkat vejolašvuođaid suvdilis fitnodatdoibmii, máksit sisaboađu stáhtii, ovddidat luonddus ožžojuvvon buresveadjinbálvalusaid ja gáhttet ealli kulturárbbi ja kulturárbái laktásan ráhkadusaid ja kulturbirrasiid. Váldit vuhtii min doaimmas maiddái boahttevaš sohkabuolvvaid.

Váldorollat ja -ovddasvástádusat

Meahciráđđehusa stivra vástida vásttolašvuođa ja birasáššiid jođiheami ordnema ja integrerema oassin strategiija ja doaimma. Stivra dohkkeha Meahciráđđehusa vásttolašvuođapolitihka ja mearrida birasvuogádaga sertifiserema prinsihpain.

Váldohoavda vástida vásttolašvuođa ja birasáššiid jođiheamis ja ollašuvvamis Meahciráđđehusas.

Meahciráđđehusa stivrenjoavku ásaha oktasaš strategalaš vásttolašvuođamihttomeriid, logadettiin mielde birasmihttomeriid, ja vástida daid ollašuvvamis iežas vástosurggiin. Meahciráđđehusa stivrenjoavku dahká dárkkisteami birasvuogádaga jahkásaččat dan sihkkarastima ovdii, ahte dat lea heivvolaš, vuogálaš ja váikkuheaddji. Stivrenjoavku gieđahallá ja dohkkeha Meahciráđđehusa birasdárkkisteami.

Gulahallanhoavda vástida vásttolašvuođa- ja birasproseassain ja láhkaáššiidhoavda gáibádusaid čuovvu proseassain.

Vásttolašvuođajoavku doaibmá gulahallanhoavdda áššedovdidoarjjan vásttolašvuođabarggus. Joavku vástida vásttolašvuođa koordineremis, ovddideamis ja gulahallamis Meahciráđđehusas. Joavkkus leat vástosurggiid nammadan áššedovdit.

Meahciráđđehusa birasjoavku koordinere ISO 14001 –birasvuogádaga bajásdoalu ja ovddideami. Dat gárvvista ovttas vástosurggiid birasjoavkkuiguin birasvuogádaga guoskevaš áššiid ja vástida birasvuogádaga ollašuhttima jođiheamis, čuovvumis ja ovddideamis. Gulahallan- ja vásttolašvuođaovttadaga hoavdan doaibmá Meahciráđđehusa birasjoavkku sátnejođiheaddji ja buktá ovdan áššiid stivrenjovkui ja stivrii.

Juohkehaš Meahciráđđehusa ovdaolmmoš ja bargi vástidit das, ahte vásttolašvuohta ja birasáššit ollašuvvet juohkehačča iežas barggus.

Vástosuorggit sihkkarastet, ahte Meahciráđđehusa vásttolašvuođapolitihka vuođđojurdagat oidnojit min doaimmas áššehasaiguin, guimmiiguin, doaimmaheaddjiiguin ja eará čanusjoavkkuiguin.

Vásttolašvuođapolitihka árvvoštallet unnimusat strategiijaáigodagaid guovdu ođđasit ja beaiváduvvojit dárbbu mielde. Vásttolašvuohta ovddiduvvo ovttas áššehasaiguin, guimmiiguin ja čanusjoavkkuiguin.

Raporterenmeannudeapmi

Meahciráđđehusa vásttolašvuođamihttomearit leat merkejuvvon vásttolašvuođaprográmmii, mii doarju strategiija ja stivre strategalaš válljejumiid. Strategiija ja vásttolašvuođabargomet váikkuhusa mihtidan váldomihttárat leat čohkkejuvvon árvvudahkanmállii.

Čoaggit dieđu Meahciráđđehusa vásttolašvuođamihttomeriid ja daidda laktásan doaibmabijuid ollašuhttimis. Vástosuorggit reporterejit jeavddalaččat kvartálaid bokte sin bohtosis sihke iežas stivrenjoavkkuin ja vásttolašvuođa- ja birasjoavkkus ja Meahciráđđehusa stivrenjoavkkus ja stivrras. Birassuodjaleami dási ja birasvuogádaga doaibmama árvvoštallet jahkásaččat siskkáldas ja olgguldas auditeremiiguin.

Raporteret strategiija ja vásttolašvuođaprográmma mihttomeriid ovdáneamis jahkásaččat Meahciráđđehusa jahke- ja vásttolašvuođaraporttain ja Almmolaš servodatlaš geatnegasvuođat -raporttas. Dieđihat bohtosiin aktiivvalaččat eará čanusjoavkkuid vuhtii váldimiin.