Meahcce- ja guollebivddu báikkálašávkkit
Stáhta eatnamiidda boahtán guolle- ja meahccebivdit buktet ekonomalaš ávkkiid mátkečuozáhahkan válljen guvlui. Fuođđolobiid vuvdet jahkásaččat sulaid 150 000.
Meahcce- ja guollebivdiid ruhtarávnnjit johtet guovlluekonomiija dássedeattu dahkama dáfus ávkkálaš guvlui. Davvi ja nuortta fuođđomátkkit bistet guhkimusat, nuba eanemus guovlluekonomiija oažžu ávkki Lappis, Kainuus, Davvebađaeatnamis ja Davvi-Gárjilis.
Meahciráđđehusa fuođđolohpái investerejuvvon euro buvttada mearrebáikki eanagoddái sulaid 10 euro, ja juohkehaš meahcástanguovlu buktá lagašguvlui gaskamearálaččat 1,5 bargosaji.
Meahcástan- dahje guolástanmátkkis geavahuvvon supmis 273 báhcá mátkečuozáhaga eanagoddái. Eanemus ruhta gollá gávppiide, idjadeapmái, borramušbálvalusaide ja boaldámuššii.
Árvvoštallan meahcce- ja guollebivdoáššehasaid ruhtageavaheami guovlluekonomalaš váikkuhusain vuođđuduvvá Meahciráđđehusa vuovdán fuođđolobiid mearrái sihke dutkojuvvon dihtui, mii guoská lobi oastán meahcce- ja guollebivdiid gaskamearálaš ruhtageavaheami. Rehkenastima vuođđun lea Meahciráđđehusa ja Luondduváriidguovddáža (ovddeš Metla) ovttasbarggus gárgehan investeren-buvttadeapmi-rehkenastinmálle.
Lassedieđut
- Meahciráđđehusa meahcástan- ja guolástanlohpeáššehasaid ruhtageavaheami guovlluekonomalaš váikkuhusat ja vugiid veardádallan (pdf, julkaisut.metsa.fi) (suomagillii)
- Meahciráđđehusa meahcástan- ja guolástanlohpeáššehasaid ruhtageavaheami guovlluekonomalaš váikkuhusat (pdf, helda.helsinki.fi) (suomagillii)